ஓமலூரில் ரஜினி ரசிகர்கள் கேசட் பறிமுதல்

சேலம்:

சேலம் மாவட்டம் ஓமலூர் பகுதியில் ரஜினி ரசிகர்களின் ஆடியோ கேசட்டுகளை போலீஸார் பறிமுதல் செய்தனர்.

ரஜினி ரசிகர்கள் வெளியிட்டுள்ள பிரசார கேசட்டுகளை சேலம் மாவட்ட போலீஸார் பறிமுதல் செய்து வருகின்றனர். சமீபத்தில்தாரமங்கலம், மேட்டூர் பகுதிகளில் அரசு பேருந்துகளில் பிரசாரத்திற்காக விநியோகிக்கப்பட்ட கேசட்டுகளை போலீஸார் பறிமுதல்செய்தனர்.

இந் நிலையில் ஓமலூர் பகுதியில் ரஜினி ரசிகர்கள் பிரசாரத்திற்குப் பயன்படுத்திய கேசட்டுகளையும் போலீஸார் பறிமுதல்செய்தனர். 500 ஆடியோ கேசட்டுகளை போலீஸார் ரசிகர்களிடமிருந்து பறித்துச் சென்றனர்.