பி.பி.சி. தமிழோசையில் தேர்தல் முடிவுகள்

லண்டன்:

பி.பி.சி. தமிழோசை வானொலியில் மக்களவைத் தேர்தல் முடிவுகள் தமிழில் ஒலிபரப்பப்படவுள்ளன.

பி.பி.சி. நிறுவனத்தின் தமிழ் செய்திப் பிரிவான தமிழோசை அலைவரிசை, மக்களவைத் தேர்தல் முடிவுகளை தமிழில் சிறப்புச்செய்தியாக ஒலிபரப்பவுள்ளது.

மே 13 ம் தேதி முதல் 16ம் தேதி வரை காலை 6.35 முதல் 6.45 மணி வரை இந்த தேர்தல் சிறப்புச் செய்திகள் ஒலிபரப்பாகும்.இலங்கையில் இதை காலை 7 மணி முதல் 7.15 மணி வரை கேட்கலாம்.

தேர்தல் முடிவுகள், அரசியல் ஆய்வாளர்களின் கருத்துக்கள், முக்கிய வேட்பாளர்களின் பேட்டிகள் ஆகியவை இந்த செய்தித்தொகுப்பில் இடம் பெறவுள்ளது.

இதை சிற்றலை 16 (17,500 கிலோஹெர்ட்ஸ்) மற்றும் 22 (13,600 கிலோஹெர்ட்ஸ்) ஆகிய அலைவரிசைகளில் கேட்கலாம்.