தமிழகத்தில் எம்பியான முன்னாள் ஐ.எப்.எஸ், ஐ.ஏ.எஸ்

சென்னை:

தமிழகத்திலேயே அதிக வயதான எம்.பி. திமுகவின் வட சென்னை எம்.பியான செ.குப்புசாமி தான்.

தமிழக மக்களவைத் தேர்தல் முடிந்துள்ள நிலையில் பல சுவாரஸ்யமான தகவல்கள் கிடைத்துள்ளன.

* தமிழகத்திலேயே அதிக வயதான எம்.பி. செ.குப்புசாமி. இவருக்கு வயது 77. 3-வது முறையாக வட சென்னைதொகுதி எம்.பியாகி உள்ளார். இவருக்கு அடுத்த மூத்தவர் திண்டுக்கல் தொகுதி காங்கிரஸ் எம்.பி.என்.எஸ்.வி.சித்தன். இவரது வயது 72.

* 60 வயதுக்கு மேற்பட்டவர்களின் எண்ணிக்கை 7 பேர். 50 வயதைத் தாண்டியவர்கள் 14 பேர். 40 வயதுக்குக்குறைந்தவர்கள் 3 பேர் மட்டுமே. தயாநிதி மாறன் (37), சிப்பிப்பாறை ரவிச்சந்திரன் (38), ராதிகா செல்வி (28)ஆகியோரே அவர்கள். ராதிகா செல்விதான் தமிழகத்திலேயே இளைய வயது எம்.பி ஆவார்.

* காங்கிரஸ் கட்சியின் மணிசங்கர அய்யர் முன்னாள் ஐ.எப்.எஸ். அதிகாரி. அதேபோல அரக்கோணம் தொகுதிபாமக எம்.பி. வேலு, ஓய்வு பெற்ற ஐ.ஏ.எஸ். அதிகாரி.

* மொத்தமுள்ள 39 பேரில், 2 பேர் டாக்டர்கள். வழக்கம் போல வழக்கறிஞர்கள்தான் அதிகம், அவர்களதுஎண்ணிக்கை 9.

* 39 எம்.பிக்களில் 9 பேர் முன்னாள் மத்திய அமைச்சர்கள். இவர்களில் காங்கிரஸ் கட்சியைச் சேர்ந்தவர்கள் 4பேர். பாமக, திமுகவைச் சேர்ந்தவர்கள் தலா 2 பேர். மதிமுகவைச் சேர்ந்தவர் ஒருவர்.

* 18 பேர் இப்போதுதான் முதல் முறையாக எம்.பி. ஆகியுள்ளனர். இதில் அதிகபட்சமாக திமுகவுக்குத்தான் 9புதுமுக எம்.பிக்கள் கிடைத்துள்ளனர். பாமக சார்பில் 3 பேரும், காங்கிரஸ் சார்பில் 3 பேரும், சிபிஐ சார்பில் 2 பேர்,சிபிஎம், மதிமுக சார்பில் தலா ஒருவரும் முதல் முறையாக எம்.பி. ஆகியுள்ளனர்.