மத்திய அமைச்சராகிறார் அன்புமணி?

சென்னை:

பாட்டாளி மக்கள் கட்சியின் ஒருங்கிணைப்புச் செயலாளராக நியமிக்கப்பட்டிருக்கும் தனது மகன் அன்புமணியை,மத்திய அமைச்சராக்க பாமக நிறுவனர் டாக்டர் ராமதாஸ் முயற்சி மேற்கொண்டுள்ளதாகத் தெரிகிறது.

கூட்டணி அமைந்தபோதே பா.ம.கவுக்கு ஒரு ராஜ்யசபா எம்.பி பதவி தர திமுக உறுதியளித்துள்ளது. இதையடுத்துஅடுத்த மாதம் நடக்கும் ராஜ்யசபா எம்.பி தேர்தலில் திமுக, பா.ம.க. இணைந்து அன்புமணியை எம்.பியாக்கலாம்என்று தெரிகிறது. இதனால் அவர் அமைச்சராகத் தொடர்வதில் சிக்கல் இருக்காது.

ராமதாஸின் அரசியல் வாரிசாக சில ஆண்டுகளுக்கு முன் அறிமுகம் ஆனவர் டாக்டர் அன்புமணி. இருப்பினும்கட்சிப் பொறுப்பு எதுவும் இவருக்குக் கொடுக்கப்படவில்லை. மாறாக, கட்சி விவகாரங்கள் அனைத்தையும்மறைமுகமாக கையாண்டு வந்தார் அன்புமணி.

இந் நிலையில் நாடாளுமன்றத் தேர்தலில் அன்புமணியை நிறுத்த ராமதாஸ் முடிவு செய்தார். ஆனால், வாரிசுஅரசியல் நடத்துவதாக ராமதாஸ் மீது பிற வன்னிய சங்கங்கள் கடும் தாக்குதல் தொடுத்ததால், அன்புமணிபோட்டியிடவில்லை.

மாறாக, பாமக வேட்பாளர்களைத் தேர்ந்தெடுக்கும் பொறுப்பை அன்புமணியிடம் ஒப்படைத்தார் ராமதாஸ்.அன்புமணி தேர்ந்தெடுத்த வேட்பாளர்கள் தான் தேர்தலில் நிறுத்தப்பட்டனர். ரஜினியின் எதிர்ப்பு, வன்னியர் சங்கஎதிர்ப்பையும் மீறி 6 வேட்பாளர்களும் வெற்றி பெற்றுள்ளதால் அன்பு மணிக்கு கட்சியினர் மத்தியில் மதிப்புகூடியுள்ளது.

இதைத் தொடர்ந்து அன்புமணியை கட்சியின் ஒருங்கிணைப்புச் செயலாளராக தேர்வு செய்யப்பட்டார்.

இந் நிலையில் மத்தியில் அமையவுள்ள காங்கிரஸ் தலைமையிலான அமைச்சரவையில் அன்பு மணிக்கும் அமைச்சர்பதவி வாங்க ராமதாஸ் முடிவு செய்துள்ளதாக கூறப்படுகிறது.

காங்கிரஸ் அமைச்சரவையில் ஒரு கேபினட் மற்றும் 2 துணை அமைச்சர் பதவியை கேட்க பாமக திட்டமிட்டுள்ளது.அன்புமணி, புதுவை ராமதாஸ், ஏ.கே.மூர்த்தி ஆகியோரது பெயர்களை ராமதாஸ் முடிவு செய்து வைத்துள்ளதாககூறப்படுகிறது.

இவர்களில் அன்புமணிக்கு கேபினட் அந்தஸ்து கொண்ட அமைச்சர் பதவியும் மற்ற இருவருக்கும்இணையமைச்சர் பதவி கேட்கவும் ராமதாஸ் திட்டமிட்டுள்ளதாக பா.ம.க. வட்டாரங்கள் தெரிவிக்கின்றன.

மூர்த்தியை அமைச்சராக்க ராமதாசுக்கு விருப்பம் இல்லாவிட்டாலும், அவருக்கு தமிழக மக்களிடையே மிக நல்லபெயர் உள்ளதாலும், அவரை விட்டுவிட்டு தனது மகனை மட்டும் அமைச்சராக்கினால் கட்சியின் பெயர் கெடும்என்பதாலும் ராமதாஸ் இறங்கி வந்துவிட்டதாகத் தெரிகிறது.