மத்திய அமைச்சரவையில் திமுக பங்கேற்கும்

டெல்லி:

மத்தியில் காங்கிரஸ் தலைமையில் அமையும் அமைச்சரவையில் திமுக பங்கேற்கும் என கருணாநிதிதெரிவித்தார்.

இன்று காலை அவரை சந்தித்த காங்கிரஸ் தலைவர் சோனியா காந்தி, அமைச்சரவையில் திமுகபங்கேற்றால் தான் கூட்டணி அரசு ஸ்திரமாக இருக்கும் என வலியுறுத்தினார். இதை கருணாநிதிஏற்றுக் கொண்டுவிட்டார்.

இது குறித்து நிருபர்களிடம் கருணாநிதி பேசுகையில்,

திமுகவும் அமைச்சரவையில் பங்கேற்றால் தான் அரசு ஸ்திரமாக இருக்கும் என சோனியா காந்திவலியுறுத்தினார். இந்த முறை அவரது கோரிக்கையை மறுக்க முடியவில்லை.

பிரதமர் பதவியை ஏற்பதில்லை என்ற சோனியாவின் முடிவுக்கு, பா.ஜ.கவும், ஆர்.எஸ்.எஸ்சும்நடத்தி வரும் அநாகரீகமான பிரச்சாரமும் ஒரு காரணமாக இருக்கும் என்று நினைக்கிறேன்.சோனியா யாரை நிறுத்தினாலும் அவரை பிரதமராக திமுக ஏற்கும்.

அமைச்சரவையில் திமுக சார்பில் யார், யார் பங்கேற்பர் என்பதை இப்போது சொல்ல முடியாதுஎன்றார் கருணாநிதி.