மகள் திருமணம்: சோனியாவை அழைத்தார் ஸ்டாலின்

டெல்லி:

தனது மகளின் திருமண அழைப்பிதழை சோனியா காந்தியிடம் நேரில் வழங்கினார் திமுக துணைப் பொதுச் செயலாளர்மு.க.ஸ்டாலின்.

ஸ்டாலினின் மகளுக்கும் முன்னாள் சபாநாயகர் பி.டி.ஆர். பழனிவேல்ராஜனின் உறவினரின் மகனுக்கும் வரும் ஜூன் மாதம் 6ம்தேதி திருமணம் நடைபெறவுள்ளது. இது ஒரு காதல் திருமணம்.

அமைச்சரவையில் திமுக சார்பில் யார், யார் இடம் பெறுவது என்பது குறித்து கருணாநிதியுடன் விவாதிக்க ஸ்டாலின், ஆற்காடுவீராசாமி, துரைமுருகன் ஆகியோர் டெல்லி சென்றுள்ளனர்.

இந் நிலையில் நேற்று காங்கிரஸ் தலைவர் சோனியா காந்தியை சந்தித்த ஸ்டாலின் தனது மகளின் திருமண அழைப்பிதழைவழங்கினார். திருமணத்தில் கலந்து கொள்ள வருமாறு சோனியாவை அழைத்தார். அப்போது தயாநிதி மாறனும் உடனிருந்தார்.