மத்திய நிதியமைச்சரானார் ப.சிதம்பரம்

டெல்லி:

மத்திய நிதியமைச்சராக ப.சிதம்பரம் நியமிக்கப்பட்டுள்ளார். பெட்ரோலியத்துறை அமைச்சராக மணிசங்கர் அய்யர்நியமனம் செய்யப்பட்டுள்ளார். இருவரும் இன்று பதவியேற்றுக் கொண்டனர்.

அதே போலவே திமுக தவிர்த்த பிற கட்சிகளைச் சேர்ந்த அமைச்சர்கள் அனைவரும் இன்று காலை பொறுப்பேற்றுக்கொண்டனர்.

பிரதமர் டாக்டர் மன்மோகன் நேற்றிரவு தனது அமைச்சர்களுக்கான இலாகாக்களை அறிவித்தார்.

அதன் விவரம்:

1. ப.சிதம்பரம்- நிதியமைச்சர்

2. பிரணாப் முகர்ஜி- பாதுகாப்புத்துறை

3. சிவராஜ் பாட்டீல்- உள்துறை

4. அர்ஜூன் சிங்- மனிதவளத்துறை

5. லாலு பிரசாத் யாதவ்- ரயில்வேதுறை

6. எச்.ஆர்.பரத்வாஜ்- சட்டம் மற்றும் நீதித்துறை

7. நட்வர்சிங்- வெளியுறவுத்துறை

8. கமல்நாத்- வர்த்தகம் மற்றும் தொழில்துறை

9. மணிசங்கர் அய்யர்- பெட்ரோலியத்துறை

10. தயாநிதி மாறன்- தொலைத் தொடர்பு மற்றும் தகவல் தொழில்நுட்பத்துறை

11. ராஜா- சுற்றுச்சூழல் மற்றும் வனத்துறை

12. அன்புமணி- சுகாதாரத்துறை

13. ராம்விலாஸ் பாஸ்வான்- இரும்புத்துறை, உரம் மற்றும் ரசாயனத்துறை14. குலாம்நபி ஆசாத்- நாடாளுமன்ற விவகாரத்துறை

15. ஜெய்பால் ரெட்டி- தகவல்-ஒளிபரப்புத்துறை

16. டி.ஆர்.பாலு- சாலைப் போக்குவரத்து, நெடுஞ்சாலைத்துறை

17. சரத்பவார்- உணவு, சிவில் சப்ளைஸ் மற்றும் விவசாயத்துறை

18. சிஸ்ராம் ஓலா- தொழிலாளர் நலன் மற்றும் வேலைவாய்ப்பு

19. கண்டையா- மலைவாழ் மக்கள் மேம்பாடு, வடகிழக்கு மாகாண மேம்பாடு

20. மகாவீர் பிரசாத்- சிறுமொழில் மற்றும் கிராமப்புற வளர்ச்சி

21. சங்கர்சிங் வகேலா- ஜவுளித்துறை

22. மீரா குமார்- சமூகநீதித்துறை

23. சிபு சோரேன்- நிலக்கரி மற்றும் சுரங்கத்துறை

24. சந்திரசேகர் ராவ்- கப்பல் போக்குவரத்து

25. பி.எம். சயீத்- மின்சாரத்துறை

26. பிரியரஞ்சன் தாஸ்முன்ஷி- நீர்வளத்துறை

27. சுனில்தத்- இளைஞர்நலம், விளையாட்டுத்துறை

தனிக் கட்சி நடத்தி வரும ப.சிதம்பரத்துக்கு அமைச்சர் பதவி தந்ததை தமிழக காங்கிரஸ் எதிர்த்து வந்தது. இந்நிலையில் அவரிடம் நிதித்துறையை வழங்கப்பட்டுள்ளதால்,சிதம்பரத்தின் முக்கியத்துவத்தை பல மடங்குஅதிகரித்துள்ளது.

நரசிம்ம ராவின் அமைச்சரவையில் மன்மோகன் சிங்கின் கீழ் நிதித்துறை இணையமைச்சராக சிறப்பாகப்பணியாற்றியவர் சிதம்பரம். இம் முறை மன்மோகன் சிங்கே நிதித்துறையையும் கவனிப்பார் என்று கூறப்பட்டது.

ஆனால், அவரது வேலைப் பளுவைக் குறைக்கும் வகையில் சிதம்பரம் நியமிக்கப்பட்டுள்ளார். சிங்கின் தனிப்பட்டபரிந்துரை காரணமாக இந்த முக்கியமான பதவி சிதம்பரத்துக்கு கிடைத்துள்ளது.