வரும் 21ம் தேதி தமிழக மாநிலங்களவை உறுப்பினர் தேர்தல்

சென்னை:

தமிழகத்தைச் சேர்ந்த மாநிலங்களவை உறுப்பினர்களைத் தேர்வு செய்வதற்கான வேட்பு மனுத் தாக்கல் நாளைமறுநாள் ஆரம்பமாகிறது.

தமிழ்நாட்டைச் சேர்ந்த 6 மாநிலங்களவை உறுப்பினர்களின் பதவிக்காலம் முடிவடைவதையொட்டி புதியஉறுப்பினர்களைத் தேர்வு செய்ய வரும் 21ம் தேதி தேர்தல் நடைபெறுகிறது. இது தொடர்பாக மாநில தேர்தல்ஆணையம் வெளியிட்ட செய்திக் குறிப்பில் கூறப்பட்டுள்ளதாவது:

நாளை மறுநாள் முதல் வரும் 11ம் தேதி வரை வேட்பு மனுக்களைத் தாக்கல் செய்யலாம். 12ம் தேதி வேட்புமனுக்கள் பரிசீலனை செய்யப்படும். வேட்பு மனுக்களை திரும்ப பெற்றுக் கொள்வதற்கான இறுதி நாள் வரும் 16ம்தேதியாகும்.

இம் மாதம் 21ம் தேதி வாக்குப் பதிவு நடைபெறும். அன்றைய தினமே வாக்கு எண்ணிக்கை நடைபெற்று, புதியஉறுப்பினர்கள் அறிவிக்கப்படுவார்கள் என்று கூறப்பட்டுள்ளது.