ஆளுநர்களை மாற்ற காங்.க்கு அருகதை இல்லை: பாஜக

சென்னை:

ஆளுநர்களை மாற்ற வேண்டும் என்று கூற காங்கிரஸ் கட்சிக்கு அருகதை இல்லை என்று அகில இந்திய பாஜகதலைவர் வெங்கையா நாயுடு கூறினார்.

சென்னையில் பா.ஜ.க. அலுவலகமான கமலாலயத்தில் வெங்கையா நாயுடு தலைமையில் மாநில நிர்வாகிகள்கூட்டம் இன்று நடந்தது. அதில் அகில இந்திய பாஜக செயலாளர் இல.கணேசன், மாநில தலைவர்சி.பி.ராதாகிருஷ்ணன் உள்ளிட்ட நிர்வாகிகள் பலர் கலந்து கொண்டனர்.

கூட்டத்துக்குப் பின் செய்தியாளர்களிடம் பேசிய வெங்கையா நாயுடு கூறியதாவது:

ஆளுநர்களை நியமிப்பது குடியரசுத் தலைவர்தான். அவர்களை மாற்ற வேண்டும் என்று கூற காங்கிரஸ் கட்சிக்குஅருகதை இல்லை. தேசிய ஜனநாயகக் கூட்டணி ஆட்சியில் இருந்த போது ஆளுநர்களை நாங்கள் மாற்றவில்லை.அப்படி மாற்ற வேண்டும் என்ற விதி இல்லை. இதை ஒரு அரசியல் பிரச்சினையாக காங்கிரஸ் மாற்ற வேண்டாம்.

மக்களவைத் தேர்தல் தோல்வியால் தமிழக பாரதீய ஜனதாவில் மாற்றம் இருக்காது என்று கூறினார்.