ஜூலையில் கட்சி ஆரம்பிக்கிறார் விஜயகாந்த் !

சென்னை:

பாட்டாளி மக்கள் கட்சியினரின் தாக்குதல்கள் தீவிரமடைந்துள்ளதைத் தொடர்ந்து தனது அரசியல் பிரவேசத்தைசீக்கிரமே அரங்கேற்ற நடிகர் விஜயகாந்த் முடிவு செய்துள்ளதாகத் தெரிகிறது. வரும் 30ம் தேதி தனது புதிய கட்சிகுறித்து அதிகாரப்பூர்வமாக அறிவிக்க அவர் திட்டமிட்டுள்ளதாகவும் கூறப்படுகிறது.

ராமதாஸின் ஜாதி அரசியல் குறித்தும், அவரது மகன் அன்புமணி எம்.பி. ஆகாமலேயே மத்திய அமைச்சர்பதவிக்கு வந்தது குறித்தும் நடிகர் விஜயகாந்த் கருத்துக் கூறப் போக அது பாமகவினர் மத்தியில் பெரும்கொந்தளிப்பை ஏற்படுத்தியுள்ளது.

பாமகவுக்கு தொண்டர் பலம் உள்ள வட மாவட்டங்களில் நடிகர் விஜயகாந்த்துக்கு எதிராக அவரது உருவபொம்மையை எரிப்பதும், விஜயகாந்த் ரசிகர்கள் மீது தாக்குதல் நடத்துவதும், ரசிகர் மன்றங்கள் மீது தாக்குதல்நடத்துவதுமாக பாமகவினர் உள்ளனர்.

பாமகவினருக்கு ஈடாக விஜயகாந்த் ரசிகர்களும் பதில் தாக்குதலில் இறங்கியுள்ளனர். இதனால் வட மாவட்டங்கள்பலவற்றில் பதற்றம் அதிகரித்து வருகிறது.

இந் நிலையில் நடிகர் விஜயகாந்த் தனது ரசிகர் மன்ற நிர்வாகிகளின் அவரச ஆலோசனைக் கூட்டத்தைசென்னையில் கூட்டியுள்ளார். வரும் 30ம் தேதி சென்னை வருமாறு அனைத்து மாவட்ட ரசிகர் மன்றநிர்வாகிகளையும் தொலைபேசி மூலம் விஜயகாந்த்தே நேரடியாக அழைத்துள்ளார்.

ஜூலை 1ம் தேதி வட பழனியில் உள்ள விஜயகாந்த்தின் கல்யாண மண்டபமான ஆண்டாள் அழகர் கல்யாணமண்டபத்தில் மன்ற நிர்வாகிகளுடன் விஜயகாந்த் முக்கிய ஆலோசனை நடத்தவுள்ளார்.

இந்த ஆலோசனைக் கூட்டத்தின் போது புதிய அரசியல் கட்சி தொடங்குவது குறித்து ரசிகர் மன்ற நிர்வாகிகளிடம்இறுதி ஆலோசனை கேட்கிறார். கட்சியின் பெயரும், கொடியும் கூட முடிவாகி விட்டதாக செய்திகள் கசிகின்றன.இதுகுறித்து நிர்வாகிகளுடன் கலந்தாலோசித்த பிறகு முறைப்படி விஜயகாந்த் அறிவிப்பு வெளியிடுகிறார்.

இதற்கிடையே முதல்வர் ஜெயலலிதாவை விஜயகாந்த்சந்தித்து பாமகவினரின் தாக்குதலைத் தடுத்து நிறுத்தும்படிகோரிக்கை வைக்கப்போவதாகவும் கூறப்படுகிறது.

தனது அரசியல் பிரவேசத்தையடுத்து பாமகவுக்கு எதிராக தீவிர பிரசாரத்தில் விஜயகாந்த் இறங்கக் கூடும் என்றும்எதிர்பார்க்கப்படுகிறது.

இதற்கிடையே சாலிகிராமம், கண்ணம்மாள் தெருவில் இருக்கும் விஜயகாந்த் வீட்டிற்கும், அவருக்குச் சொந்தமானஆண்டாள் அழகர் கல்யாண மண்டபத்துக்கும் போலீஸ் பாதுகாப்பு போடப்பட்டுள்ளது.