இலங்கைக்கு எதிராக ஆஸ்திரேலியா 517 ரன்குவிப்பு

கெய்ன்ஸ்:

இலங்கைக்கு எதிரான இரண்டாவது டெஸ்ட் கிரிக்கெட் போட்டியில் ஆஸ்திரேலியா அணி முதல் இன்னிங்சில் 517ரன்கள் எடுத்துள்ளது.

இப்போட்டி ஆஸ்திரேலியாவில் உள்ள கெய்ன்ஸ் நகரில் நடந்து வருகிறது.

முதலில் பேட் பிடித்த ஆஸ்திரேலியா முதல் நாள் முடிவில் 2 விக்கெட் இழப்புக்கு 370 ரன் எடுத்து இருந்தது.இரண்டாவது நாள் ஆட்டத்தில் மதிய உணவு இடைவேளைக்கு பிறகு ஆஸ்திரேலியா அணி 517 ரன்களில் ஆல்அவுட் ஆனது. ஆஸ்திரேலியாவின் லாங்கர் 162 ரன்களும், மார்டின் 97 ரன்களும் எடுத்தனர். இலங்கை அணிசார்பில் உபல் சந்தனா 5 விக்கெட்டுகளும், மலிங்கா 4 விக்கெட்டுகளும், சமரவீரா ஒரு விக்கெட்டும்கைப்பற்றினார்கள்.

பின்னர் பேட் பிடித்த இலங்கை அணி 2வது நாள் ஆட்ட நேரம் முடிவில் 2 விக்கெட் இழப்புக்கு 184 ரன் எடுத்தது.சங்கக்கரா 74 ரன்களும், ஜெயசூர்யா 13 ரன்களும் எடுத்து ஆட்டமிழந்தனர். அட்டப்பட்டு 75 ரன்களுடனும்,ஜெயவர்த்தனே 9 ரன்களுடனும் ஆட்டமிழக்காமல் களத்தில் உள்ளனர்.