2 தமிழக மருத்துவ கல்லூரிகளின் அங்கீகாரம் ரத்து

டெல்லி:

கன்னியாகுமரி மற்றும் தூத்துக்குடி மருத்துவக் கல்லூரிகளுக்கு அங்கீகாரம் அளிக்க இந்தியமருத்துவக் கவுன்சில் மறுப்பு தெரிவித்துவிட்டது.

அதே போல திருநெல்வேலி மருத்துவக் கல்லூரிக்கு கூடுதலாக 50 இடங்கள் வழங்கவும் கவுன்சில்மறுப்பு தெரிவித்துவிட்டது.

தூத்துகுடி மருத்துவக் கல்லூரி 3 ஆண்டுளாக செயல்பட்டு வரும் நிலையில் இந்த அங்கீகாரம்மறுக்கப்பட்டுள்ளது. இதனால் 2ம் ஆண்டு, 3ம் ஆண்டு மாணவர்கள் கவலையில் ஆழ்ந்துள்ளனர்.

அங்கீகாரம் மறுப்பால் இந்த ஆண்டு அங்கு புதிதாக மாணவர்களை சேர்க்க முடியாது.

கன்னியாகுமரி கல்லூரியில் இந்த ஆண்டு முதல் தான் மாணவர்கள் சேர்க்கை தொடங்க இருந்தது.இந் நிலையில் அதற்கும் தடை ஏற்பட்டுவிட்டது.

இந்தக் கல்லூரிகளில் போதிய அளவில் ஆசிரியர்கள் இல்லாததாலும், அடிப்படை வசதிகளும்போதுமான அளவில் இல்லாததாலும் அங்கீகாரம் தர மருத்துவ கவுன்சில் மறுத்துள்ளது.

இதனால் இந்த ஆண்டில் கூடுதலாக 250 மருத்துவ இடங்களை உருவாக்கும் தமிழக அரசின்திட்டத்துக்கு தடை ஏற்பட்டுள்ளது.

தூத்துக்குடி கல்லூரியில் அனாடமி மற்றும் பேத்தாலஜி லேப்கள் கூட இல்லை. கன்னியாகுமரிமருத்துவக் கல்லூரியில நூலகம் கூட இல்லை என்பது குறிப்பிடத்தக்கது.