2 புதிய அமைச்சர்கள் பதவியேற்றனர்

சென்னை:

பொள்ளாச்சி ஜெயராமன், விஜயலட்சுமி பழனிச்சாமி ஆகிய இருவரும் புதிய அமைச்சர்களாக பதவியேற்றுக்கொண்டனர்.

முதல்வர் ஜெயலலிதா தலைமையிலான அமைச்சரவையில் 16வது முறையாக மாற்றம் செய்யப்பட்டுள்ளது. புதிதாகபொள்ளாச்சி ஜெயராமன், விஜயலட்சுமி பழனிச்சாமி ஆகிய இருவரும் அமைச்சர்களாக சேர்க்கப்பட்டுள்ளனர்.சில அமைச்சர்களின் இலாகாக்கள் பறிக்கப்பட்டுள்ளன.

புதிய அமைச்சர்களாக ஜெயராமனும், விஜயலட்சுமியும் நேற்று இரவு பதவியேற்றுக் கொண்டனர். இரவு 8.30மணியளவில் ஆளுநர் மாளிகையில் நடந்த எளிய நிகழ்ச்சியில் ஆளுநர் ராம்மோகன் ராவ் புதியஅமைச்சர்களுக்குப் பதவிப்பிரமாணமும், ரகசியக் காப்புப் பிரமாணமும் செய்து வைத்தார்.

10 நிமிடங்களில் முடிந்து விட்ட இந்த பதவியேற்பு நிகழ்ச்சியில் முதல்வர் ஜெயலலிதா, தலைமைச் செயலாளர்லட்சுமி பிரானேஷ், அமைச்சர்கள், அதிகாரிகள் கலந்து கொண்டனர்.