சென்னை பள்ளிகளில் செல்போன்களுக்கு தடை

சென்னை:

டெல்லியைத் தொடர்ந்து சென்னையில் சில பள்ளிகளிலும் மாணவ, மாணவிகள் செல்போன்களை பயன்படுத்த தடைவிதிக்கப்பட்டுள்ளது.

சமீபத்தில் டெல்லி பள்ளியில் மாணவனும் மாணவியும் செக்ஸில் ஈடுபட்ட காட்சி வீடியோ செல்போனில் பதிவாகி உலகம்முழுவதும் பரவியது.

இதையடுத்து அந்தப் பள்ளியும் பிற பள்ளிகளும் மாணவர்கள் செல்போன் பயன்படுத்த தடை விதித்துள்ளன.

இந் நிலையில் சென்னை குருநானக் மெட்ரிகுலேசன் பள்ளியும் மாணவ, மாணவிகள் செல்போனை பள்ளி வளாகத்துக்குள்பயன்படுத்த தடை விதித்துள்ளது. பள்ளிக்குள் வரும் மாணவ, மாணவிகளின் பைகள் ஆசிரியர்களால்சோதனையிடப்படுகின்றன.

இதே போல வேலம்மாள் பள்ளி உள்பட பல்வேறு பள்ளிகளும் செல்போன்களுக்கு தடை விதித்துள்ளன.