ஏர் அரேபியாவின் மும்பை விமான சேவை

ஷார்ஜா:

வளைகுடாவின் குறைந்த கட்டண விமான சேவை நிறுவனமான ஏர் அரேபியா அடுத்த மாதம் முதல் மும்பைக்கும் விமானங்களை இயக்கப் போவதாக அறிவித்துள்ளது.

ஐக்கிய அரபு நாடுகளைத் தலைமையகமாகக் கொண்ட இந்த விமான நிறுவனம் தற்போது 12 நாடுகளுக்கு விம்னங்களை இயக்கி வருகிறது.

அடுத்த மாதம் முதல் மும்பைக்கும் விமானங்களை இயக்க இந் நிறுவனத்துக்கு இந்திய அரசு அனுமதி வழங்கியுள்ளது. இதன் கட்டண விவரங்கள் குறித்து விரைவில் அறிவிக்கப்படும் என இவ் விமான நிறுவனத்தின் தலைவர் சேக் அப்துல்லா பின் முகம்மத் அல்-தானி தெரிவித்துள்ளார்.

இதற்கிடையே வளைகுடா உள்ளிட்ட சில பகுதிகளுக்கு குறைந்த கட்டணத்தில் விமானங்கலை இயக்க ஏர் இந்தியாவும் முடிவு செய்துள்ளது. இதற்காக ஏர் எக்ஸ்பிரஸ் என்ற தனி நிறுவனத்தை ஏர் இந்தியா தொடங்கவுள்ளது. இந்த சேவை ஏப்ரலில் தொடங்கும் என்று எதிர்பார்க்கப்படுகிறது.