சோனியா அழைப்பு: வாசன் டெல்லி விரைவு

சென்னை:

காங்கிரஸ் தலைவர் சோனியா காந்தியின் அழைப்பின் பேரில் தமிழக காங்கிரஸ் தலைவர் வாசன் டெல்லி சென்றுள்ளார்.

தமிழக காங்கிரசில் நிர்வாகிகள் தேர்தல் விரைவில் நடைபெற இருக்கிறது. இதன் முதல் கட்டமாக கட்சிக்கு உறுப்பினர் சேர்க்கும் பணி கடந்த 31ம் தேதியோடு முடிவடைந்தது. இதனையடுத்து கட்சியின் தேர்தல் அதிகாரி அகிலேஸ்தாஸ் சென்னை வந்து வாசன் மற்றும் உறுப்பினர் சேர்ப்பு ஒருங்கிணைப்புக் குழு உறுப்பினர்களிடம் ஆலோசனை நடத்தினார்.

அப்போது உறுப்பினர் சேர்ப்பு பட்டியல் அவரிடம் ஒப்படைக்கப்பட்டது. இந் நிலையில் வாசனுக்கு கட்சி மேலிடத்திலிருந்து அழைப்பு வந்தது.

இதனையடுத்து வாசன் டெல்லி புறப்பட்டுச் சென்றார். சோனியாவுடனான சந்திப்பில் கட்சித் தேர்தலை எப்படி நடத்துவது என்பது குறித்தும், தமிழக அரசியல் நிலவரம் குறித்தும் வாசன் விவாதிப்பார் என்று எதிர்பார்க்கப்படுகிறது.