பூட்டிய வீட்டில் தீ: தாய், 3 குழந்தைகள் பலி

கோவை:

கோவையில் பூட்டிய வீட்டில் தீ விபத்து ஏற்பட்டதில் தாய் உள்பட 4 பேர் பரிதாபமாக பலியாயினர்.

கோவை ரத்தினபுரி அருகே உள்ள பாலுசாமி நகரில் முருகன் என்பவர் குடும்பத்துடன் வசித்து வருகிறார். முருகன் வெளியூர்சென்றிருந்தார். வீட்டில் அவரது மனைவி மாரியம்மாள், மகள்கள் துர்கா, செல்வி, தனலட்சுமி மகன்கள் மாரிமுத்து, மூர்த்தி உள்ளிட்டோர்இருந்தனர்.

இன்று அதிகாலை 4 மணியளவில் முருகனின் வீட்டில் தீப்பிடித்து எரிந்தது. இதில் பூட்டிய வீட்டில் அயர்ந்து தூங்கிக் கொண்டிருந்தமாரியம்மாள், துர்கா, செல்வி, தனலட்சுமி ஆகியோர் தீயில் கருகி இறந்தனர். மற்றவர்கள் காயமடைந்தனர்.

தீக்காயமடைந்தவர்கள் கோவை அரசு மருத்துவமனையில் அனுமதிக்கப்பட்டனர். தீ விபத்திற்கான காரணம் குறித்துத் தெரியவில்லை.