பாக் அணி வருகை: டெல்லியில் உற்சாக வரவேற்பு

டெல்லி:

பாகிஸ்தான் கிரிக்கெட் அணி இன்று இந்தியா வந்து சேர்ந்தது. டெல்லி விமான நிலையத்தில் பாகிஸ்தான் வீரர்களுக்கு மிக உற்சாகமானவரவேற்பு அளிக்கப்பட்டது.

இந்தியா, பாகிஸ்தான் இடையே 3 டெஸ்ட் மற்றும் 6 ஒரு நாள் போட்டிகள் நடைபெற உள்ளன. இரு அணிகளுக்கும் இடையே முதல்டெஸ்ட் போட்டி மார்ச் 8-ந்தேதி மொகாலியில் தொடங்குகிறது.

இதற்காக இன்சமாம் உல் ஹக் தலைமையிலான பாகிஸ்தான் அணி வீரர்கள் இன்று மாலை 3 மணியளவில் தனி விமானத்தில் டெல்லிவந்தனர். விமான நிலையத்தில் அவர்களுக்கு உற்சாக வரவேற்பு அளிக்கப்பட்டது.

டெல்லியில் இன்சமால் உல் ஹக் கூறுகையில், இந்தியாவை இந்திய மண்ணில் வெல்வதே எங்களது குறிக்கோள் என்றார்.

பாகிஸ்தான் அணி பயிற்சி ஆட்டமாக வாரிய தலைவர் அணியுடன் 3-ந்தேதி மோதுகிறது. இந்தப் போட்டி தர்மசாலாவில் நடைபெறுகிறது.

இரு அணிகளுக்கும் இடையேயான 3-வது டெஸ்ட் போட்டி பெங்களூரில் நடைபெறுகிறது. இந்தப் போட்டி பாகிஸ்தான் கேப்டன்இன்சமாம் உல் ஹக்கின் 100-வது டெஸ்ட் போட்டியாகும் என்பது குறிப்பிடத்தக்கது.

இதுவரை 97 டெஸ்ட் போட்டிகளில் விளையாடியுள்ள இவர், 7052 ரன்கள் எடுத்துள்ளார்.