கருணாநிதியை சந்திக்க வரும் சோனியா தூதர்!

சென்னை:

திமுக தலைவர் கருணாநிதியை சந்தித்துப் பேசி சமாதானப்படுத்த காங்கிரஸ் தலைவர் சோனியா காந்தியின் தூதராக, அவரது அரசியல்ஆலோசகரான அகமது பட்டேல் சென்னை வருகிறார்.

மத்திய அமைச்சர் ஈ.வி.கே.எஸ். இளங்கோவன், கூட்டணி ஆட்சியில் காங்கிரஸுக்கு பங்கு வேண்டும் என்று கேட்கப் போக பிரச்சனைஉருவானது. இந் நிலையில் கருணாநிதியின் ஜாதியையும் ஸ்டாலினையும் தயாநிதி மாறனையும் சரமாரியாகத் தாக்கி இளங்கோவன் பேசதிமுக கொந்தளித்துவிட்டது.

இந் நிலையில் கருணாநிதியை சந்தித்துப் பேசவும், அவரை சமாதானப்படுத்தவும் தனது தூதராக அகமது பட்டேலை சோனியா காந்திசென்னைக்கு அனுப்பி வைக்கிறார்.

கருணாநிதியை சந்திக்கும் படேல், தமிழக காங்கிரஸ தலைவர்களையும் சந்தித்து அறிவுரைகளைக் கூறுவார் என்று தெரிகிறது.

கருணாநிதியை சந்திக்கிறார் இளங்கோவன்?

இதற்கிடையே கருணாநிதியை நேரில் சந்தித்துப் பிரச்சினையைத் தீர்க்க இளங்கோவன் முடிவு செய்துள்ளதாகத் தெரிகிறது.

கருணாநிதியை சந்திக்க அவர் நேரம் கேட்டுள்ளதாகக் கூறப்படுகிறது.