இராக்கில் தீவிரவாதிகள் தாக்குதல்: 110 பேர் பலி

ஹிலா:

இராக்கில் தீவிரவாதிகள் நடத்திய பயங்கர தாக்குதலில் 110 பேர் பலியாயினர். 133 பேர் படுகாயமடைந்தனர்.

தெற்கு பாக்தாதில் உள்ள ஹிலா என்ற இடத்தில் மருத்துவ மையத்தின் மீது வெடிகுண்டுகள் நிரப்பிய காருடன் வந்த தீவிரவாதிகள், அதைமோதி வெடிக்கச் செய்தனர்.

இதில் மருத்துவமனை வெடித்துச் சிதறியது. இதில் அங்கிருந்த 110 பேர் பலியாயினர். மேலும் 133 பேர் காயமடைந்தனர்.

அந்த மருத்துவமனையில் இராக்கின் அரசு வேலைகளில் சேர விரும்புவோருக்கு உடல் பரிசோதனைகள் நடந்து கொண்டிருந்தது. இதற்காகஆயிரக்கணக்கானவர்கள் கூடியிருந்த நிலையில் தீவிரவாதிகள் தாக்குதல் நடத்தினர்.

இதில் அந்த கார் தூள் தூளானது. கடந்த ஓராண்டில் இராக்கில் நடந்துள்ள மிகப் பெரிய தாக்குதல் இதுவாகும்.