கவாஸ்கர் சாதனையை முறியடித்த சச்சின்

பெங்களூர்:

டெஸ்ட் போட்டியில் இந்தியாவிலேயே அதிக ரன்கள் எடுத்திருந்த கவாஸ்கரின் சாதனையை டெண்டுல்கர் இன்று முறியடித்தார்.

டெஸ்ட் போட்டியில் முதலில் 10,000 ரன்களைக் கடந்தவர் என்ற சாதனையைப் படைத்தவர் சுனில் கவாஸ்கர். இவர் மொத்தம்10,122 ரன்களை எடுத்திருந்தார். இதற்குப் பிறகு இவரது சாதனையை ஆஸ்திரேலியாவின் ஆலன் பார்டர், ஸ்டீவ் வாக்,மேற்கிந்திய தீவுகள் அணியைச் சேர்ந்த லாரா ஆகியோர் முறியடித்தனர்.

10,000 ரன்களை டெண்டுல்கர் சமீபத்தில் பாகிஸ்தானுக்கு எதிரான 2வது டெஸ்ட் போட்டியில் கடந்தார்.

இன்று பெங்களூரில் நடைபெற்று வரும் இறுதி டெஸ்ட் போட்டியில் கவாஸ்கரின் 10,122 ரன்களை டெண்டுல்கர் கடந்துஇந்தியாவிலேயே டெஸ்ட் போட்டியில் அதிக ரன்களை எடுத்தவர் என்ற சாதனையைப் படைத்தார்.

தற்போது ஆலன் பார்டர் 11,174 ரன்களுடன் முதலிடத்தில் உள்ளார்.