மும்பை எக்ஸ்பிரஸ்: தியேட்டர்களுக்கு போலீஸ் பாதுகாப்பு

சென்னை:

மும்பை எக்ஸ்பிரஸ் படம் வெளியாகும் தியேட்டர்களுக்கு போலீஸ் பாதுகாப்பு வழங்கப்படவுள்ளது.

தமிழ்ப் பாதுகாப்பு இயக்கத்தின் இறுதி எச்சரிக்கையையும் நிராகரித்துவிட்ட கமல், தனது படத்தை மும்பை எக்ஸ்பிரஸ் என்ற பெயரிலேயேவெளியிட முடிவு செய்துள்ளார்.

இதனால் அந்தப் படம் திரையிடப்படும் தியேட்டர்களுக்கு எதிரே தனது அமைப்பினர் போராட்டம் நடத்தப் போவதாக விடுதலைச்சிறுத்தைகள் பொதுச் செயலாளர் திருமாவளவன் எச்சரித்துள்ளார்.

இந்தப் படம் வரும் 14ம் தேதி ரிலீஸ் ஆகிறது. விடுதலைச் சிறுத்தைகளின் எதிர்ப்பால் வட மாவட்டங்களில் சில இடங்களில் படத்தைதிரையிட தியேட்டர் அதிபர்கள் அச்சம் தெரிவித்துள்ளனர்.

இது குறித்து அரசுத் தரப்புடன் கமல் பேசியதாகத் தெரிகிறது. இதையடுத்து இந்தப் படம் திரையிடப்படும் தியேட்டர்களுக்கு போலீஸ்பாதுகாப்பு வழங்க முடிவு செய்யப்பட்டுள்ளது.

மாநிலம் முழுவதுமே இந்தப் படம் ரிலீஸ் ஆகும் தியேட்டர்களுக்கு போலீஸ் பாதுகாப்பு தர உத்தரவிடப்பட்டுள்ளது.