செல்வாக்கு மனிதர்கள்: டாப்-100 பட்டியலில் மன்மோகன்

டெல்லி:

பிரபல டைம் பத்திரிக்கை வெளியிட்டுள்ள உலகின் மிகச் செல்வாக்கு மிக்க டாப்-100 மனிதர்களின் பட்டியலில் பிரதமர்மன்மோகன் சிங்கும் இடம் பெற்றுள்ளார்.

வழக்கம்போல் அமெரிக்க அதிபர் ஜார்ஜ் புஷ், வெளியுறவு அமைச்சர் காண்டலீஸ்ஸா ரைஸ், சீன அதிபர் வென் ஜியாபோஆகியோரும் இப் பட்டியலில் இடம் பெற்றுள்ளனர்.

அதில் பிரதமர் மன்மோகன் சிங், திபெத் மத குரு தலாய் லாலா, இஸ்ரேல் பிரதமர் ஏரியல் ஷரோன், பாலஸ்தீன அதிபர் மஹ்மூத்அப்பாஸ் ஆகியோரும் இடம் பெற்றுள்ளனர்.

மன்மோகன் சிங்குறித்து அந்தப் பத்திரிக்கை குறிப்பிடுகையில், நீல தலைப்பாகை அணிந்த இந்த எளிய மனிதர்,சுறுசுறுப்பானவர். பொருளாதார சீர்திருத்தத்தில் பெரும் சாதனைகள் படைத்தவர். மிக அடக்கமானவர். மற்றவர் கருத்தையும்பரிசீலித்து அமல்படுத்தும் உயர்ந்த மனிதர் என குறிப்பிட்டுள்ளது.

இந்தத் தலைவர்கள் மட்டுமல்லாது இராக்கிய தீவிரவாத அமைப்பின் தலைவர் அபு முஸாப் அபு-ஜர்காவியின் பெயரும் டைம்டாப்-100 மனிதர்கள் பட்டியலில் இடம் பெற்றுள்ளது. வளைகுடாவில் ஜர்காவிக்கு பெரும் செல்வாக்கு இருப்பதாக டைம்கூறியுள்ளது.