மதுரை சித்திரைத் திருவிழா நாளை தொடக்கம்

மதுரை:

தமிழகத்தின் மிகப் பிரபலமான மதுரை சித்திரைத் திருவிழா நாளை மீனாட்சி அம்மன் கோவிலில் கொடியேற்றத்துடன் தொடங்குகிறது.

மீனாட்சி அம்மன் ஆலயத்திலும் அழகர் கோவிலிலும் நடக்கும் இந்த 18 நாள் விழாவில் லட்சக்கணக்கான மக்கள் கூடுவர். மீனாட்சி அம்மன் திருக்கல்யாணம், அழகர் ஆற்றில் இறங்குதல் ஆகிய நிகழ்வுகளும் இவ்விழாவில் அடக்கம்.

விழாவையொட்டி மீனாட்சி அம்மன் ஆலயமும் அழகர் கோவிலும் அலங்கரிக்கப்பட்டு வருகின்றன. நாளை காலை மீனாட்சி அம்மன் கோவிலில் தங்கக் கொடி மரத்தில் கொடியேற்றத்துடன் இந்த விழா தொடங்குகிறது.

29ம் தேதி மீனாட்சி அம்மன் பட்டாபிஷேகம் நடக்கிறது. 22ம் தேதி அம்மன் திருக்கல்யாணமும், 23ம் தேதி தேரோட்டமும் நடக்கும்.

விழா நடக்கும் நாட்களில் 11 நாட்கள் அம்மனும் சுவாமியும் கோவிலில் இருந்து எழுந்தருளி மாசி வீதியில் உலா வருவர்.

அம்மன் திருக்கல்யாணம், அழகர் ஆற்றில் இறங்கும் நிகழ்ச்சிகளைக் காண லட்சக்கணக்கில் பக்தர்கள் மதுரையில் கூடுவர் என்பதால் அதற்காக நகரம் தயாராகி வருகிறது.