ரூ. 1 கோடியில் சிவாஜிக்கு மணி மண்டபம்: விஜயகாந்த்

சென்னை:

நடிகர் திலகம் சிவாஜி கணேசனுக்கு மணி மண்டபம் கட்டுவதற்கான பூமி பூஜை இன்று நடந்தது. ரூ 1கோடியில் மணி மண்டபம்கட்டப்படுவதாக நடிகர் சங்கத் தலைவர் விஜயகாந்த் தெரிவித்துள்ளார்.

சிவாஜி கணேசனுக்கு மணிமண்டபம் அமைக்க இடம் ஒதுக்குமாறு நடிகர் சங்கம், முதல்வர் ஜெயலலிதாவுக்கு கோரிக்கைவிடுத்திருந்தது. இதை ஏற்ற ஜெயலலிதா, அடையாறு சத்யா ஸ்டுடியோவுக்கு எதிரே உள்ள அரசுக்குச் சொந்தமான நிலத்திலிருந்து26,000 சதுர அடியை (சுமார் 11 கிரவுண்டு) ஒதுக்கி உத்தரவிட்டார்.

இதைத் தொடர்ந்து இன்று அந்த இடத்தில் பூமி பூஜை நடத்தப்பட்டது. இந்த நிகழ்ச்சியில் நடிகர்கள் கமல்ஹாசன், விஜயகாந்த்,விஜயகுமார், சரத்குமார், சத்யராஜ், ராதாரவி, எஸ்.எஸ்.சந்திரன், பிரபு, ராம்குமார், நெப்போலியன், பிரசாந்த், நடிகைகள்மனோரமா, மும்தாஜ் உள்ளிட்டோர் கலந்து கொண்டனர்.

நிகழ்ச்சிக்குப் பின்னர் நடிகர் கமல்ஹாசன் கூறுகையில், நடிகர் திலகத்தை நினைவு கூறும் விதமாக அமையவுள்ள இந்தமணிமண்டபத்தை அமைக்க இடம் ஒதுக்கிக் கொடுத்தற்காக தமிழக அரசுக்கும், முதலமைச்சருக்கும், நடிகர்கள் குலம் சார்பாகஎனது நன்றிகளைத் தெரிவித்துக் கொள்கிறேன் என்றார்.

விஜயகாந்த் கூறுகையில், ரூ. 1 கோடியில் இந்த மணி மண்டபத்தைக் கட்டவுள்ளோம். இதற்காக உயர் மட்டக் குழு ஒன்றைஅமைக்கவுள்ளோம். அதில், நடிகர், நடிகையர், முக்கியப் பிரபலங்கள், சிவாஜி குடும்பத்தினர் உள்ளிட்டோர் இடம் பெறுவர்என்றார்.