விடுதலைச் சிறுத்தை வேட்பாளர்கள் அறிவிப்பு

சென்னை:

காஞ்சிபுரம், கும்மிடிப்பூண்டி இடைத் தேர்தலில் போட்டியிடும் விடுதலைச் சிறுத்தைகள் கட்சியின் வேட்பாளர்கள் பெயரைகட்சியின் பொதுச் செயலாளர் தொல் திருமாவளவன் அறிவித்துள்ளார்.

இதுதொடர்பாக சென்னையில் செய்தியாளர்களிடம் அவர் பேசுகையில், விடுதலைச் சிறுத்தைகளின் தனித்தன்மையை நிலைநாட்டிடும் பொருட்டு சட்டசபை இடைத் தேர்தலில் தனித்துப் போட்டியிட முடிவு செய்துள்ளோம்.

அதன்படி, காஞ்சிபுரம் தொகுதியில் கட்சியின் மத்திய குழு உறுப்பினர் ந. இளஞ்செழியன் போட்டியிடுகிறார். கும்மிடிப்பூண்டிதொகுதியில் துணைப் பொதுச் செயலாளர் சு.த. பாஸ்கரன் என்ற விடுதலைச் செழியன் போட்டியிடுகிறார்.

2 வேட்பாளர்களும் வருகிற 25ம் தேதி வேட்பு மனு தாக்கல் செய்கிறார்கள். இரு தொகுதிகளிலும் 30 சதவீத தாழ்த்தப்பட்டவாக்காளர்கள் உள்ளனர். மீனவர்கள், முஸ்லீம்கள், மிகவும் ஒடுக்கப்பட்ட சமுதாய மக்கள் உள்ளனர். இவர்களிடம் நாங்கள்வாக்கு சேகரிப்போம்.

தமிழ் தேசிய லீக், மக்கள் தமிழ் தேசம் ஆகிய கட்சிகளின் ஆதரவைப் பெறுவோம். அதேபோல, தமிழ் தேசிய உணர்வுள்ளஅனைத்து அமைப்புகளிடமும் ஆதரவு கேட்போம் என்றார் அவர்.