பீகார் பிரச்சினைக்கு 3 வாரத்தில் தீர்வு: பாஸ்வான்

சென்னை:

பீகார் குழப்பத்திற்கு இன்னும் 3 வாரங்களில் தீர்வு எட்டப்படும் என்று லோக் ஜன சக்தி கட்சித் தலைவரும், மத்தியஅமைச்சருமான ராம் விலாஸ் பாஸ்வான் கூறியுள்ளார்.

சென்னை வந்திருந்த அவர் செய்தியாளர்களிடம் பேசுகையில், பீகாரில் ஆட்சி அமைப்பது தொடர்பாக நிலவி வரும் குழப்பத்தைதீர்க்க புதிய திட்டம் உருவாக்கப்பட்டுள்ளது. அந்தத் திட்டம் அனைவருக்கும் பொருத்தமானதாக, ஏற்றுக் கொள்ளக் கூடியதாகஅமையும்.

இந்தத் திட்டம் குறித்து எனது கட்சித் தலைவர்கள், எம்.எல்.ஏக்கள் ஆகியோருடன் விவாதிக்கவுள்ளேன். அதன் பின்னர் இரண்டுஅல்லது மூன்று வாரங்களில் இத்திட்டத்தை வெளியிடுவேன்.

முதல்வராக வேண்டும் என்ற ஆசை எனக்கு இல்லை. ஒரு முஸ்லீம் முதல்வராக வேண்டும் என்பதுதான் எனது ஒரே லட்சியம்.லாலுவுடன் சமரசம் ஆவது என்ற பேச்சுக்கே இடமில்லை என்றார் பாஸ்வான்.