சித்ரா பவுர்ணமி: கண்ணகி சிலைக்கு ஸ்டாலின் மாலை

சென்னை:

சித்ரா பவுர்ணமியையொட்டி திமுக இளைஞர் அணி தலைமை அலுவலகத்தில் அமைக்கப்பட்டுள்ள கண்ணகி சிலைக்கு திமுகதுணைப் பொதுச் செயலாளர் மு.க.ஸ்டாலின் மாலை அணிவித்தார்.

சென்னை மெரினா கடற்கரையோரம் இருந்த கண்ணகி சிலையை அதிமுக அரசு அகற்றி விட்டது. அகற்றப்பட்ட கண்ணகி சிலைதற்போது அருங்காட்சியகத்தில் கோணிப் பையில் மூடப்பட்டு கிடக்கிறது.

கண்ணகி சிலையை அகற்றியதைக் கண்டித்த திமுக, திமுக இளைஞர் அணி தலைமை அலுவலகமான அன்பகம் வளாகத்தில்,கண்ணகிக்கு சிலை அமைத்துள்ளது. இந்த சிலைக்கு ஒவ்வொரு ஆண்டும் சித்ரா பவுர்ணமி தினத்தன்று மாலை அணிவித்துமரியாதை செய்யப்படும் என அறிவித்தது.

அதன்படி இன்று கண்ணகி சிலைக்கு மு.க.ஸ்டாலின் மற்றும் திமுகவினர் மாலை அணிவித்து அஞ்சலி செலுத்தினர்.