சென்னை: சாலை விபத்தில் அதிமுக எம்எல்ஏ காயம்

டோக்கியோ:

சென்னையில் நேற்று நள்ளிரவு ஏற்பட்ட கார் விபத்தில் திருநாவலூர் தொகுதி அதிமுக எம்.எல்.ஏ. படுகாயமடைந்தார்.

விழுப்புரம் மாவட்டம் திருநாவலூர் தொகுதி அதிமுக எம்.எல்.ஏ. கே.ஜி.ஞானமூர்த்தி. நேற்று இவர் தேர்தல் பணிக்காக தனதுசொந்த ஊரான மடப்பட்டு கருவேப்பிலைபாளையத்தில் இருந்து ஒரு காரில் சென்னைக்கு புறப்பட்டார்.

காரில் ஞானமூர்த்தியுடன் மேலும் 7 பேர் பயணம் செய்தனர். நேற்று நள்ளிரவு 1 மணியளவில் சென்னை நகருக்குள் கார் சென்றுகொண்டிருந்தது. ஜி.என்.செட்டி ரோடு வழியாக ஜெமினி பாலத்திற்கு கீழ் கார் சென்று கொண்டிருந்தது.

அப்போது எதிரே திடீரென வந்த ஒரு டாட்டா சுமோ, ஞானமூர்த்தியின் கார் மீது மோதியது. இதில் காரில் இருந்த ஞானமூர்த்திக்குமுகம், கழுத்து பகுதிகளில் காயம் ஏற்பட்டது. உடனடியாக அவர் சென்னை அரசு மருத்துவமனையில் அனுமதிக்கப்பட்டார்.

அவருடன் வந்த 7 பேரும் காயமடைந்தனர். இவர்களும் மருத்துவமனையில் அனுமதிக்கப்பட்டுள்ளனர்.

இந்த விபத்து குறித்து வழக்கு பதிவு செய்த பாண்டிபஜார் போலீஸார் சுமோ டிரைவர் ரவியை கைது செய்தனர்.