காஞ்சி: ஒரே மேடையில் கருணாநிதி, வைகோ, ராமதாஸ்

காஞ்சிபுரம்:

காஞ்சிபுரம் தொகுதி திமுக வேட்பாளரை ஆதரித்து திமுக தலைவர் கருணாநிதியும், கூட்டணிக் கட்சித் தலைவர்களும் ஒரேமேடையில் வருகிற மே 10ம் தேதி பிரசாரம் செய்யவுள்ளனர்.

காஞ்சிபுரம் மற்றும் கும்மிடிப்பூண்டி சட்டசபை இடைத் தேர்தலில் ஜனநாயக முற்போக்குக் கூட்டணி சார்பில் திமுகபோட்டியிடுகிறது. இரு தொகுதி திமுக வேட்பாளர்களையும் ஆதரித்து கருணாநிதி மற்றும் கூட்டணிக் கட்சித் தலைவர்கள்பிரசாரம் மேற்கொள்ளவுள்ளனர்.

இதுகுறித்து காஞ்சிபுரம் திமுக தேர்தல் பணி ஒருங்கிணைப்பாளர் மு.க.ஸ்டாலின் செய்தியாளர்களிடம் கூறுகையில், மே 8ம் தேதிவணிகர் வீதியில், மத்திய நிதியைமச்சர் ப.சிதம்பரம் பிரசாரம் மேற்கொள்கிறார்.

திமுக தலைவர் கருணாநிதி மே 10ம் தேதி மாலையில் நகராட்சி அலுவலகம் எதிரே நடக்கும் பிரமாண்ட கூட்டத்தில்கலந்துகொண்டு பேசுகிறார். இக்கூட்டத்தில் கூட்டணிக் கட்சித் தலைவர்களான ஜி.கே.வாசன், ராமதாஸ், வைகோ, நல்லகண்ணு,வரதராஜன், காதர் மொய்தீன் உள்ளிட்டோர் கலந்து கொள்கிறார்கள் என்றார் ஸ்டாலின்.