திமுக எங்களுக்கு முக்கியம்: அம்பிகா சோனி

சென்னை:

காங்கிரஸ் தலைமையிலான ஐக்கிய முற்போக்குக் கூட்டணிக்கு திமுக மிகவும் முக்கியமான கூட்டணிக் கட்சி. கருணாநிதியைகலந்தாலோசிக்காமல் எந்த முக்கிய முடிவையும் காங்கிரஸ் எடுக்காது என்று அகில இந்திய காங்கிரஸ் கட்சி பொதுச் செயலாளர்அம்பிகா சோனி கூறியுள்ளார்.

சென்னைக்கு வந்த அம்பிகா சோனி திமுக தலைவர் கருணாநிதியை அவரது கோபாலபுரம் வீட்டுக்குச் சென்று சந்தித்துப்பேசினார். பின்னர் செய்தியாளர்களிடம் அவர் பேசுகையில்,

மத்தியில் ஆட்சிப் பொறுப்பில் பங்கு வகிக்கும் கட்சிகளில் திமுக எங்களுக்கு முக்கியமான கட்சி. திமுக தலைவர் கருணாநிதிஎங்களை வழி நடத்தும் மூத்த அரசியல் தலைவர்.

எங்களது கூட்டணியின் முக்கிய முடிவுகள், கருணாநிதியைக் கேட்காமல் எடுக்கப்படாது. ஐக்கிய முற்போக்குக் கூட்டணிஆட்சியின் ஒரு ஆண்டு நிறைவைக் கொண்டாடும் விதமாக டெல்லியில் பேரணி நடத்துவது குறித்து இன்னும்முடிவெடுக்கப்படவில்லை. அப்படி ஒரு பேரணி நடந்தால் அது கருணாநிதி இல்லாமல் நடைபெறாது.

தமிழக அரசுக்கு மத்திய அரசு ஒத்துழைப்பு கொடுப்பதில்லை என்று தமிழக முதல்வர் ஜெயலலிதா கூறுவது தவறு. சுனாமிநிவாரணத்திற்காக மத்திய அரசு ரூ. 510 கோடி வரை நிதியுதவி அளித்துள்ள நிலையில் இவ்வாறு கூறுவது தவறு என்றார் சோனி.

அம்பிகாவுடன் தமிழக காங்கிரஸ் தலைவர் ஜி.கே.வாசன், எஸ்.ஆர்.பாலசுப்ரமணியம், புதுவை காங்கிரஸ் தலைவர்நாராயணசாமி உள்ளிட்டோரும் சென்றிருந்தனர்.