பணநாயகத்திற்கு தற்காலிக வெற்றி: ராமதாஸ்

சென்னை:

சட்டசபை இடைத் தேர்தலில் அதிமுக வெற்றி பெற்றிருப்பதன் மூலம் பணநாயகத்திற்கு தற்காலிகமாக வெற்றி கிடைத்துள்ளதுஎன்று பாமக நிறுவனர் டாக்டர் ராமதாஸ் கூறியுள்ளார்.

இடைத் தேர்தல் முடிவுகள் குறித்து ராமதாஸ் வெளியிட்டுள்ள அறிக்கையில்,

அதிகார பலத்தைப் பயன்படுத்தி வாக்காளர்களை மிரட்டியும், பணத்தைக் கொடுத்து விலைக்கு வாங்கியும் இந்த வெற்றியைத்தட்டிப் பறித்திருக்கிறார்கள். இது பணநாயகத்திற்குக் கிடைத்துள்ள தற்காலிக வெற்றி, ஜனநாயகத்திற்குக் கிடைத்த தற்காலிகதோல்வி என்று கூறியுள்ளார் ராமதாஸ்.

இந்திய கம்யூனிஸ்ட் கட்சியின் மூத்த தலைவர் நல்லகண்ணு கூறுகையில், அதிகார துஷ்பிரயோகத்தின் மூலம் இந்தத் தேர்தலில்அதிக வெற்றி பெற்றுள்ளது. ஆளும் கட்சி சார்பில் ஏராளமான பணம் விளையாடியது. இதனால்தான் அதிமுகவால் வெற்றிபெறமுடிந்திருக்கிறது என்றார்.