பிரதமருக்கு கருணாநிதி வாழ்த்துக் கடிதம்

சென்னை:

ஐக்கிய முற்போக்கு கூட்டணி அரசு பதவியேற்று இன்று 1 ஆண்டு நிறைவு பெறுவதையொட்டி பிரதமருக்கு கருணாநிதி வாழ்த்துக்கடிதம் அனுப்பியுள்ளார்.

மத்தியில் காங்கிரஸ் தலைமையிலான ஐக்கிய முற்போக்கு கூட்டணி அரசு பதவியேற்று இன்றுடன் 1 ஆண்டு நிறைவு பெறுகிறது.இதையொட்டி பிரதமர் மன்மோகன் சிங்குக்கு திமுக தலைவர் கருணாநிதி வாழ்த்துக் கடிதம் அனுப்பியுள்ளார்.

அதில், ஐக்கிய முற்போக்கு கூட்டணி அரசு மத்தியில் பொறுப்பேற்று ஒரு ஆண்டு நிறைவடைகிறது. உங்கள் (மன்மோகன் சிங்)தலைமையில் மத்திய அரசு பொறுப்பேற்ற பின் அரசின் ஒட்டுமொத்த நிர்வாகத்தில் நல்ல முன்னேற்றம் காணப்படுகிறது.

குறிப்பாக கிராமப்புற உள்கட்டமைப்பு வசதிகள் மேம்படுத்தப் பட்டுள்ளன. வேலை வாய்ப்புகள் போன்றவை பெருகியுள்ளன.ஐக்கிய முற்போக்கு கூட்டணியின் முதலாமாண்டு ஆட்சி வெற்றிகரமாக நிறைவடைந்ததை நான் மனமார பாராட்டுகிறேன்.

வரும் ஆண்டுகளிலும் உங்கள் ஆட்சி வளர்ந்து உயர்ந்த நிலையை அடைய வாழ்த்துகிறேன் என்று கடிதத்தில் கருணாநிதிகூறியுள்ளார்.