நாளை மதுரை மாநகராட்சி துணை மேயர் தேர்தல்
மதுரை:
மதுரை மாநகராட்சி துணை மேயர் தேர்தல் திங்கள்கிழமை நடக்கிறது. இத் தேர்தலில் திமுக வேட்பாளரை எதிர்த்து முன்னாள்துணை மேயர் மிசா கணேசன் போட்டியிடப் போவதாக வெளியாகியுள்ள செய்தியால் பரபரப்பு ஏற்பட்டுள்ளது.
திமுகவே மீண்டும் இப்பதவிக்குப் போட்டியிடுகிறது. இருப்பினும் வேட்பாளர் பெயர் இன்னும் அறிவிக்கப்படவில்லை. திமுககூட்டணியில் 42 கவுன்சிலர்கள் (மொத்த கவுன்சிலர்கள் 72 பேர்) இருப்பதால், திமுக வேட்பாளர் எளிதில் வெல்லும் வாய்ப்புஉள்ளது. அதிமுக தரப்பில் 26 பேர் மட்டுமே உள்ளனர். பாஜக (2 கவுன்சிலர்கள்) மற்றும் சுயேச்சைகள் இருவரையும் சேர்த்தாலும்கூட அதிமுகவுக்கு வெற்றி வாய்ப்பு இல்லை.
இருப்பினும் முன்பு திமுகவில் இருந்து பின்னர் அதிமுகவில் இணைந்த முன்னாள் துணை மேயர் மிசா கணேசன் போட்டியிடஆர்வமாக உள்ளார். கட்சி மேலிடம் அனுமதி தந்தால் போட்டியிட்டு ஜெயிப்பேன் என்று அவர் கூறியுள்ளதால், புதிய பரபரப்புஏற்பட்டுள்ளது.