அத்வானி இன்று பாக். பயணம்

புதுடெல்லி:

பாஜக தலைவர் எல்.கே.அத்வானி இன்று பாகிஸ்தானுக்கு செல்கிறார்.

ஒரு வார பயணமாக அத்வானி பாகிஸ்தான் செல்கிறார். தனது பயணத்தின்போது அதிபர் முஷாரப், பிரதமர் செளகத் அஜீஸ்உள்ளிட்ட தலைவர்களை அவர் சந்தித்துப் பேசுகிறார்.

பாகிஸ்தான் முன்பு இந்தியாவுடன் இருந்தபோது, கராச்சியில் பிறந்தவர் அத்வானி. எனவே இந்தப் பயணம், தனக்கு தனிப்பட்டமுறையிலும் முக்கியத்துவமானது என்று தனது பாகிஸ்தான் பயணம் குறித்து அத்வானி கருத்து தெரிவித்துள்ளார். கடந்த 1979ம்ஆண்டு மத்திய செய்தி, ஒலிபரப்புத் துறை அமைச்சராக அத்வானி இருந்தபோது கராச்சிக்கு சென்றுள்ளார் என்பதுகுறிப்பிடத்தக்கது.

அத்வானியின் பயணத்தை மிகவும் எதிர்பார்த்திருப்பதாக பாகிஸ்தான் பிரதமர் செளகத் அஜீஸ் ஏற்கனவே தெரிவித்துள்ளார்.பாகிஸ்தானில் ஒரு வார காலம் அத்வானி சுற்றுப்பயணம் செய்யவுள்ளார்.