மிஸ் யுனிவர்ஸாக கனடா அழகி தேர்வு

பாங்காக்:

மிஸ் யுனிவர்ஸ் 2005 படத்தை கனடா நாட்டு அழகி பிரன்னட் நதாலி கிளபோவா வென்றுள்ளார்.

தாய்லாந்து தலைநகர் பாங்காக்கில் மிஸ் யுனிவர்ஸ் 2005 பட்டத்திற்கான போட்டி நடந்தது. இதில் இந்திய அழகி அம்ரிதா தாப்பர்உள்ளிட்ட 81 அழகிகள் கலந்து கொண்டனர்.

இறுதிச் சுற்றுக்கு கனடா, பியூர்டோரிகா, வெனிசூலா, மெக்ஸிகோ, டொமினிக்கன் குடியரசு ஆகிய நாடுகளைச் சேர்ந்த அழகிகள்தகுதி பெற்றனர். இவர்களில் கனடாவைத் தவிர மற்ற அனைவரும் லத்தீன் அமெரிக்க நாடுகளைச் சேர்ந்தவர்கள் என்பதுகுறிப்பிடத்தக்கது.

இவர்களிலிருந்து 23 வயதாகும் கிளபோவா மிஸ் யுனிவர்ஸாக தேர்ந்தெடுக்கப்பட்டார். பியூர்டோ ரிகா அழகி சிந்தியாஒலவரியா இரண்டாவது இடத்தைப் பெற்றார். 12 பேர் கொண்ட நடுவர் குழு மிஸ் யுனிவர்ஸ் அழகியைத் தேர்ந்தெடுத்தது.

மிஸ் யுனிவர்ஸாக தேர்ந்தெடுக்கப்பட்ட கிளபோவாவுக்கு கடந்த ஆண்டுக்கான மிஸ் யுனிவர்ஸ் பட்டத்தை வென்றஆஸ்திரேலியாவின் ஜெனிபர் ஹாக்கின்ஸ் கிரீடம் சூட்டினார்.

இந்த போட்டியின் மூலம் கிடைத்துள்ள பணத்தை சுனாமி பாதிக்கப்பட்ட மக்களுக்கு கொடுக்க போட்டி அமைப்பாளர்கள் முடிவுசெய்துள்ளனர்.