• search
For Quick Alerts
ALLOW NOTIFICATIONS  
For Daily Alerts

ஜெயா டிவியில் வெளிநாட்டு பங்குதாரர்கள்- சசியின் பினாமிகளா?: நிதியமைச்சகம் விசாரிக்க திமுக கோரிக்கை

By Staff
|

டெல்லி:

ஜெயா டிவியில் பங்குதாரர்களாக இருப்பவர்கள் உண்மையான பங்குதாரர்களா அல்லது சசிகலா, ஜெயலலிதாவின் பினாமிகளாஎன்பது குறித்து விசாரணை நடத்தக் கோரி பிரதமர் மற்றும் குடியரசுத் தலைவரிடம் திமுக எம்.பி.க்கள் மனு கொடுத்துள்ளனர்.சசிகலாவின் நிதி பரிமாற்றங்கள் ஆகியவை குறித்து விசாரிக்க கமிஷன் அமைக்க வேண்டும் என்றும் திமுக கோரியுள்ளது.

திமுக மத்திய அமைச்சர்களான ராஜா, பழனி மாணிக்கம், சுப்புலெட்சுமி ஜெகதீஸன் மற்றும் பவானி ராஜேந்திரன், எம்.பி.,ஆகியோர் பிரதமர் மன்மோகன் சிங் மற்றும் குடியரசுத் தலைவர் அப்துல் கலாம் ஆகியோரை சந்தித்து ஜெயா டிவி மீது புகார் மனுஒன்றை கொடுத்தனர்.

அதில், தமிழக அரசுக்கு ஆதரவாக செயல்பட்டு வரும் ஜெயா டிவியில் முதலமைச்சர் ஜெயலலிதாவும், அவரது தோழி சசிகலாவும்பங்குதாரர்களாக உள்ளனர். இந்த நிறுவனத்தில் பல வெளிநாடுகளைச் சேர்ந்தவர்களும் பங்குதாரர்களாக உள்ளனர்.

அவர்கள் யார் என்ற தெளிவான விபரம் இல்லை. அவர்கள் அனைவரும் போலியானவர்களாக அல்லது முதல்வர்ஜெயலலிதாவின் பினாமிகளாக இருக்கலாம். இந்த பங்குதாரர்களில் பலர் வெளிநாட்டுக் குடியுரிமை பெற்றவர்களாவர்.

இது, செயற்கைக்கோள் தொலைக்காட்சிக்கான உரிமம் அளிப்பது குறித்து கடந்த 25.7.2000 அன்று மத்திய தகவல் ஒலிபரப்புஅமைச்சகம் பிறப்பித்த உத்தரவுக்கு எதிரானதாகும்.

ஜெயா டிவி நிறுவனத்தின் 6 ஆண்டு கால ஆண்டறிக்கையை மத்திய நிதித்துறை அமைச்சகம் ஆய்வு நடத்தினால் இந்தகாலகட்டங்களில் அந்த நிறுவனம் பெருமளவு வருமானம் ஈட்டியிருப்பது தெரியவரும்.

தமிழக முதல்வராக ஜெயலலிதா பொறுப்பேற்ற பிறகு அந்த நிறுவனத்தின் வருமானம் மிகவும் அதிகரித்துள்ளது. தமிழக அரசின்நிதியும் ஜெயா டிவிக்குப் போயுள்ளது.

எனவே ஜெயா டிவி நிறுவனத்தின் சொத்து மதிப்பு, நிதி நிலவரம் குறித்து விசாரணை நடத்துமாறு மத்திய நிதியமைச்சகத்திற்குஉத்தரவிட வேண்டும் என்று குறிப்பிடப்பட்டுள்ளது.

கடந்த 2 தினங்களுக்கு முன்பு தான் சன் டிவி மீது நடவடிக்கை எடுக்கக் கோரி அதிமுகவின் ராஜ்ய சபா எம்.பிக்கள் பிரதமரிடம்மனு கொடுத்தனர். இதற்கு பதிலடியாக இப்போது திமுக சார்பில் ஜெயா டிவி மீது நடவடிக்கை எடுக்கக் கோரி மனுகொடுக்கப்பட்டுள்ளது.

Mail this to a friend  Post your feedback  Print this page 


திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more