மும்முனைப் போராட்டம்: புதிய தமிழகம் முடிவு

சென்னை:

பல்வேறு கோரிக்கைகளை வலியுறுத்தி மும்முனைப் போராட்டம் நடத்த புதிய தமிழகம் கட்சி முடிவு செய்துள்ளது.

புதிய தமிழகம் கட்சியின் பொதுக்குழு மற்றும் செயற்குழுக் கூட்டம் அக்கட்சியின் தலைவர் டாக்டர் கிருஷ்ணசாமி தலைமையில் நடந்தது.

இக்கூட்டத்தில் மத்திய அரசுப் பணிகளில் காலியாக உள்ள தாழ்த்தப்பட்டோருக்கான காலியிடங்களை உடனடியாக நிரப்ப வேண்டும். பாப்பாபட்டி, கீரிப்பட்டிஉள்ளிட்ட தலித் பஞ்சாயத்துக்களில் உடனடியாக தேர்தல் நடத்த வேண்டும் என்பது உள்ளிட்ட பல்வேறு தீர்மானங்கள் நிறைவேற்றப்பட்டன.

இந்தத் தீர்மானங்களை வலியுறுத்தி மும்முனைப் போராட்டம் நடத்த முடிவு செய்யப்பட்டது.

முதலில் அடுத்த மாதம் கோவில்கள் முன்பு ஆர்ப்பாட்டம் நடத்தவும், அதைத் தொடர்ந்து ஆகஸ்ட் மாதம் ரயில் மறியல் போராட்டம் நடத்தவும், மூன்றாவது கட்டமாகநாடாளுமன்ற முற்றுகைப் போராட்டம் நடத்தவும் கூட்டத்தில் தீர்மானிக்கப்பட்டதாக பின்னர் கிருஷ்ணசாமி தெரிவித்தார்.