கொழும்பு-கோவை விமானம்: ஸ்ரீலங்கன் ஏர்லைன்ஸ் திட்டம்

சென்னை:

கொழும்பிலிருந்து கோவைக்கு நேரடி விமானம் இயக்குவது குறித்து ஸ்ரீலங்கன் ஏர்லைன்ஸ் ஆலோசித்து வருகிறது

இது குறித்து ஸ்ரீலங்கன் ஏர்லைன்ஸ் நிறுவனத்தின் தென்னிந்திய மேலாளர் ரோஹன் செனவிரத்னே கூறுகையில், எங்களதுமுக்கிய மார்க்கெட்டாக இந்தியா விளங்குகிறது. இந்தியாவிலிருந்து இலங்கை வருபவர்களின் எண்ணிக்கை தினமும்அதிகரித்து வருகிறது.

இதனால் நாங்கள் தென்னிந்தியாவுக்கு மட்டுமே 65 வாராந்திர விமானங்களை இயக்குகிறோம். சென்னைக்கு மட்டும்வாரத்திற்கு 15 விமானங்களும், கொச்சிக்கு 12 விமானங்களும், திருவனந்தபுரம், திருச்சிக்கு தலா 10 விமானங்களும்,பெங்களூருக்கு 9 விமானங்களையும் இயக்குகிறோம்.

விரைவில் கொழும்பிலிருந்து கோவை மற்றும் அகமதாபாத்திற்கு நேரடி விமானம் இயக்க தீர்மானித்துள்ளோம். இதுகுறித்துநாங்கள் ஆலோசனை செய்து வருகிறோம் என்றார்.