எம்பிபிஎஸ்: 12ம் தேதி விண்ணப்பிக்க கடைசி நாள்

சென்னை:

மருத்துவப் படிப்புக்கான விண்ணப்பங்களை வரும் 12ம் தேதிக்குள் அனுப்ப வேண்டும் என்று மருத்துவ இயக்குனர்அறிவித்துள்ளார்.

இது தொடர்பாக மருத்துவ இயக்குனர் விஜயலட்சுமி வெளியிட்டுள்ள ஒரு அறிவிப்பில், எம்.பி.பி.எஸ். உட்பட மருத்துவப்படிப்புக்கான விண்ணப்பங்களுடன் மாணவர்கள் தங்கள் நுழைவுத் தேர்வு மதிப்பெண் விவரத்தை மருத்துவக் கல்விஇயக்குனரகத்துக்கு அனுப்பி வைக்க வேண்டும். அவர்கள் மீண்டும் விண்ணப்பிக்க தேவையில்லை.

இம்ப்ருவ்மென்ட் தேர்வு எழுதியவர்கள் புதிய மதிப்பெண் விவரங்களை அனுப்ப வேண்டும். இதுவரைவிண்ணப்பிக்காதவர்களும் விண்ணப்பிக்கலாம். விண்ணப்பங்கள் அனுப்ப வேண்டிய கடைசி நாள் வருகிற 12ம் தேதி ஆகும்என்று குறிப்பிடப்பட்டுள்ளது.

நுழைவுத் தேர்வு எழுதாத மாணவர்கள் விண்ணப்பித்திருந்தால் அவர்களுக்கு விண்ணப்பக் கட்டணத்தை திருப்பிதருவதற்கான நடவடிக்கை எடுக்கப்பட்டுள்ளது.

மருத்துவக் கல்விக்கான ரேங்க் பட்டியல் வரும் 12ம் தேதிக்கு பிறகு வெளியாகும் என்று தெரிகிறது. கவுன்சிலிங் தொடங்கும்தேதியும் பின்னர் முடிவு செய்யப்படவுள்ளது.