பிரதமர் மன்மோகனுக்கு டாக்டர் பட்டம்: ஆக்ஸ்போர்ட் பல்கலை வழங்கியது

லண்டன்:

லண்டனிலுள்ள பிரசித்தி பெற்ற ஆக்ஸ்போர்ட் பல்கலைக்கழகம் பிரதமர் மன்மோகன் சிங்கிற்கு கெளரவ டாக்டர் பட்டம்வழங்கி பெருமைப் படுத்தியுள்ளது.

இங்கிலாந்தில் ஆக்ஸ்போர்டு பல்கலைக்கழகத்தில் உள்ள நப்பீல்டு கல்லூரியில் படித்து கடந்த 1957ம் ஆண்டு பொருளாதாரபாடத்தில் மன்மோகன் சிங் டாக்டர் பட்டம் பெற்றார். அவருக்கு அதே பல்கலைக் கழகத்தில் நேற்று கெளரவ டாக்டர் பட்டம்வழங்கப்பட்டது.

பொருளாதாரம் மற்றும் அரசியலில் அவர் ஆற்றும் தலைசிறந்த பணிகளுக்காக இப்பட்டம் வழங்குவதாக அறிவிக்கப்பட்டது.துணைவேந்தர் பேட்டன் பார்னஸ் முன்னிலையில் பட்டம் வழங்கப்பட்டது.

டாக்டர் பட்டம் பெற்ற மன்மோகன் சிங் பேசுகையில், எனக்கு பல்வேறு கெளரவ டாக்டர் பட்டங்கள் கிடைத்திருக்கின்றன.எல்லாவற்றுக்கும் மேலாக நான் படித்த பல்கலைக் கழகத்திலேயே மீண்டும் டாக்டர் பட்டம் பெறுவதை மிகுந்த பெருமையாககருதுகிறேன். இந்த நாளை உண்மையில் நான் மறக்க மாட்டேன் என்றார்.