தமிழக சாப்ட்வேர் ஏற்றுமதி ரூ. 10,000 கோடியை தாண்டியது

சென்னை:

தமிழகத்திலிருந்து 2004-05ம் ஆண்டில் ஏற்றுமதி செய்யப்பட்ட சாப்ட்வேரின் மதிப்பு ரூ. 10,000 கோடியைத் தாண்டியுள்ளது.இதையடுத்து கம்ப்யூட்டர் சாப்ட்வேர் ஏற்றுமதியில் கர்நாடகத்துக்கு அடுத்த இடத்தை தமிழகம் பிடித்துள்ளது.

மென்பொருள் ஏற்றுமதியில் தமிழகம் தொடர்ந்து முன்னேற்றம் கண்டு வருகிறது. இந்த ஆண்டில் ஏற்றுமதி முதல் முறையாக ரூ.10,000 கோடியைத் தாண்டி சாதனை படைத்துள்ளது.

கடந்த 2000-01ம் ஆண்டில் தமிழகத்தின் மென்பொருள் ஏற்றுமதி அளவு ரூ. 3,116 கோடியாக இருந்தது. 4 ஆண்டுகளில் இதுரூ. 10,000 கோடியைத் தாண்டியுள்ளது.

2004-05ம் ஆண்டில் தமிழகத்தின் மென்பொருள் ஏற்றுமதி ரூ. 10,730.30 கோடியாக இருந்தது. இது 41 சதவீத வளர்ச்சியாகும்.

2003-04ல் தமிழகத்தில் சாப்ட்வேர் நிறுவனங்களின் எண்ணிக்கை 855 ஆக இருந்தது. இது 2004-05ல் 915 ஆக உயர்ந்துள்ளது.இதில் பெரும்பாலான நிறுவனங்கள் சென்னையில் தான் உள்ளன.

1996ம் ஆண்டு முதலே தமிழகத்தில் மென்பொருள் ஏற்றுமதி தொடங்கி விட்டபோதிலும், கடந்த நான்கு ஆண்டுகளாகத்தான்இதில் பிரமிக்கத்தக்க அளவுக்கு வளர்ச்சி ஏற்பட்டுள்ளது.

கடந்த ஆண்டு ஏற்றுமதியான மென்பொருள்களில் அப்ளிகேஷன் சாப்ட்வேர் எனப்படும் பயன்பாட்டு மென்பொருள் ஏற்றுமதிஅளவு மட்டுமே 61 சதவீதம் ஆகும். பி.பி.ஓ. மூலமான ஏற்றுமதி அளவு 5 சதவீதமாகும்.

தமிழகத்தில் எழுதப்படும் சாப்ட்வேரில் அதிக அளவு அமெரிக்காவுக்கே ஏற்றுமதியாகிறது. 72 சதவீத அளவுக்குஅமெரிக்காவுக்கான ஏற்றுமதி உள்ளது. இங்கிலாந்து நிறுவனங்கள் 15 சதவீத அளவுக்கு வாங்குகின்றன.

ஐரோப்பிய நாடுகளுக்கான ஏற்றுமதி அளவு 4 சதவீதமாக உள்ளது.

தமிழகத்தின் தகவல் தொழில்நுட்ப நிறுவனங்களின் வளர்ச்சி பிரமாண்டமாக இருந்தபோதிலும்

கர்நாடக மாநிலம் தொடர்ந்து முதலிடத்தில் இருந்து வருகிறது.

2004-05ல் கர்நநிாடகத்தின் மென்பொருள் ஏற்றுமதி அளவு ரூ. 27,600 கோடியாக இருந்தது. ஆந்திர மாநிலம் ரூ. 8,270கோடியுடன் மூன்றாவது இடத்தில் உள்ளது.