தேனி மருத்துவக் கல்லூரி: தமிழக அரசு வழக்கு

சென்னை:

தேனி அரசு மருத்துவக் கல்லூரிக்கு, இந்திய மருத்துவக் கவுன்சில் உடனடியாக அங்கீகாரம் வழங்க வேண்டும் என்று கோரிசென்னை உயர்நீதிமன்றத்தில் தமிழக அரசு வழக்கு தொடர்ந்துள்ளது.

தேனி மாவட்டம் ஆண்டிப்பட்டியில் அரசு மருத்துவக் கல்லூரியை தமிழக அரசு கட்டி முடித்துள்ளது. இங்கு முதலாமாண்டுஎம்.பி.பி.எஸ். படிப்பில் 100 மாணவர்களைச் சேர்க்கும் வகையில் வசதிகள் செய்யப்பட்டுள்ளன.

இக்கல்லூரிக்கு அனுமதி அளிக்கக் கோரி இந்திய மருத்துவக் கவுன்சிலிடம் விண்ணப்பிக்கப்பட்டுள்ளது. இருப்பினும்இதுவரை மருத்துவக் கல்லூரிக்கு இந்திய மருத்துவக் கவுன்சில் அனுமதி தராமல் உள்ளது.

இதற்கு மத்திய சுகாதாரத் துறை அமைச்சராக உள்ள பாமகவைச் சேர்ந்த அன்புமணியும், திமுகவும் தான் காரணம் எனமுதல்வர் ஜெயலலிதா குற்றம் சாட்டி வருகிறார்.

இந்த நிலையில் தேனி மருத்துவக் கல்லூரிக்கு அனுமதி வழங்கக் கோரி தமிழக அரசு சார்பில் சென்னை உயர்நீதிமன்றத்தில்வழக்கு தொடரப்பட்டுள்ளது. இந்த வழக்கு நாளை(திங்கள்கிழமை) விசாரணைக்கு வருகிறது.