பி.இ. மாணவர்கள் டீ சர்ட் போட தடை!

சென்னை:

அண்ணா பல்கலைக்கழகம் மற்றும் அண்ணா பல்கலைக்கழகத்திற்கு உட்பட்ட அனைத்து பொறியியல் கல்லூரிகளிலும்,மாணவ, மாணவியர் டீ சர்ட் அணிய தடை விதிக்கப்பட்டிருப்பதாக பல்கலைக்கழக துணைவேந்தர் விஸ்வநாதன்கூறியுள்ளார்.

இதுதொடர்பாக விஸ்வநாதன் கூறுகையில், மாணவ, மாணவிகளின் நன்மைக்காக ஆடைகள் அணிவதில் சில கட்டுப்பாடுகள்விதிக்கப்படுகின்றன. மாணவர்கள், டீ சர்ட் உள்ளிட்ட பனியன் துணியால் அமைந்த எந்த வகையான ஆடைகளையும் அணியதடை விதிக்கப்படுகிறது.

ஆடைகளில் எந்தவிதமான வாசகங்களோ அல்லது உருவப் படங்களோ இருக்கக் கூடாது.

அதேபோல, மாணவிகள், ஸ்லீவ்லெஸ் ஜாக்கெட் அணியக் கூடாது. சேலை, சுடிதார் போன்ற கவர்ச்சி இல்லாத உடைகளைஅணியலாம்.

உடல் உறுப்புகள் தெரியும் அளவுக்கு மிகவும் மெல்லிய துணிகளால் ஆன ஆடைகளை அணியக் கூடாது. இறுக்கமானஉடைகளையும் அணியக் கூடாது என்று கூறியுள்ளார் விஸ்வநாதன்.