கருணாநிதிக்கு குடும்பமே கட்சி: ஜெ. தாக்கு

சென்னை:

பேரறிஞர் அண்ணாவுக்கு கட்சிதான் குடும்பம். ஆனால் அவருக்குப் பிறகு திமுக தலைவராக வந்தவருக்கோ குடும்பம்தான் கட்சிஎன்று முதல்வர் ஜெயலலிதா கூறியுள்ளார்.

அதிமுக எம்.பி. பி.ஜி. நாராயணன், தமிழ்நாடு குடிசைப் பகுதி மாற்று வாரியத் தலைவர் பாலகங்கா உள்ளிட்ட அதிமுகபிரமுகர்கள் குடும்பத்தைச் சேர்ந்த 8 ஜோடிகளின் திருமணத்தை முதல்வர் ஜெயலலிதா சென்னையில் நடத்தி வைத்தார்.

பின்னர் விழாவில் அவர் பேசுகையில், இது 16 குடும்பங்களின் திருமண விழா. ஆனால் என்னைப் பொருத்தவரை ஒரு குடும்பத்திருமண விழா. அதிமுக எனும் குடும்பத்தின் திருமண விழா.

உலகிலேயே இல்லாத அளவுக்கு, தனது அரசியல் கட்சியையே குடும்பமாக மாற்றி நடத்தியவர் அண்ணா. அண்ணாஇருந்தபோது திமுக தொண்டர்கள், தங்களது குடும்பத்தைக் கூட மறந்து கட்சிக்காக பாடுபட்டார்கள்.

ஆனால் அண்ணாவுக்குப் பிறகு அக்கட்சியின் தலைவரானவருக்கு குடும்பமே கட்சியாக உள்ளது. அந்த நிலையிலிருந்துஅவர்கள் இன்னும் மாறவில்லை. எம்.ஜி.ஆர். தொடங்கிய இயக்கம் இன்று ஒரே குடும்பம் என்ற நிலைக்கு உயர்ந்துள்ளது என்றார்ஜெயலலிதா.