அக். 5 முதல் சென்னைக்கு கிருஷ்ணா நீர்: ஆந்திரா உறுதி

சென்னை:

சென்னை நகருக்கு அக்டோபர் 5 அல்லது 6ம் தேதி முதல் கிருஷ்ணா நீர் திறந்து விடப்படும் என ஆந்திர மாநில நீர்ப்பாசனத் துறைஅமைச்சர் லட்சுமய்யா தெரிவித்துள்ளார்.

அவர் கூறுகையில், கண்டலேறு அணையில் தற்போது 6 டிஎம்சி அளவுக்கு தண்ணீர் இருப்பு உள்ளது. தொடர்ந்து மழை பெய்து வருவதால்அணையின் நீர் இருப்பு 8 டிஎம்சியாக அதிகரிக்கும் வாய்ப்பு உள்ளது.

இதைத் தொடர்ந்து வரும் 5 அல்லது 6ம் தேதி முதல் சென்னைக்குக் கிருஷ்ணா நீர் திறந்து விடப்படும்.

இந்தத் தண்ணீர் அக்டோபர் 15ம் தேதி வாக்கில் சென்னையை அடையும். நீர் இருப்பு மேலும் அதிகரித்தால் சென்னைக்குக் கூடுதல் நீர்திறந்து விடப்படும் என்றார்.