ஆசியாவின் டாப் 50 நிறுவனங்களில் இன்போசிஸ், விப்ரோ, ஐசிஐசிஐ
நியூயார்க்:
உலகப் புகழ்பெற்ற போர்ப்ஸ் இதழ் வெளியிட்டுள்ள ஆசியாவின் முன்னணி 50 நிறுவனங்களின் பட்டியலில் இன்போசிஸ், விப்போ மற்றும்ஐசிஐசிஐ வங்கி ஆகியவை இடம் பிடித்துள்ளன.
5 பில்லியன் டாலருக்கும் மேலான மதிப்பு, வருமானம் கொண்ட 500 நிறுவனங்களின் பட்டியலை போர்ப்ஸ் வெளியிட்டுள்ளது. இதில்மிகப் பெரிய 50 நிறுவனங்கள் என்ற பட்டியலில் இந்த மூன்று நிறுவனங்களும் இடம் பிடித்துள்ளன.தொடர்ந்த லாபம், தொடர்த வளர்ச்சி, பங்குகளின் மதிப்பு ஆகியவற்றின் அடிப்படையில் இவை தேர்வாகியுள்ளன.
இன்போசிஸ் நிறுவனத்தின் சர்வதேச சந்தை மதிப்பு 14.7 பில்லியன் டாலர்களாகும் என போர்ப்ஸ் தெரிவித்துள்ளது. விப்ரோவின் மதிப்பு11.7 பில்லியன் டாலர்களாகும்.
ஆனால், இவை மூன்றுமே போர்ப்சின் டாப் டென் இடங்களில் ஒரு இடத்தையும் பிடிக்கவில்லை என்பது குறிப்பிடத்தக்கது.
முதல் 5 இடங்களைப் பிடித்துள்ள நிறுவனங்களில் 2 நிறுவனங்கள் சீனாவைச் சேர்ந்தவை. அதில் ஒன்று சீனாவின் பெட்ரோ சைனாநிறுவனம். அதன் மதிப்பு 143.9 பில்லியன் டாலர்கள். இன்னொன்று ஹாங்காங்கை தலைமையிடமாகக் கொண்ட சைனா மொபைல்நிறுவநம்.
பட்டியலில் இரண்டாவது இடத்தைப் பிடித்திருப்பது ஆஸ்திரேலியாவின் பி.எச்.பி-பில்லியன். நிறுவனம்.
இந்தப் பட்டியலில் முதல் இடத்தை ஜப்பானின் டயோட்டா மோட்டார்ஸ் பிடித்துள்ளது. இதன் மதிப்பு 146.3 பில்லியன் டாலர்கள்.
முதல் 5 இடங்களில் கடைசி இடத்தில் இருப்பது தென் கொரியாவின் சாம்சங் நிறுவனம். இதன் மதிப்பு 77 பில்லியன் டாலர்களாகும்.