ஜெ மீண்டும் முதல்வராவார்: ஜோதிடர்கள் கணிப்பு

சென்னை:

தமிழக முதல்வர் ஜெயலலிதா தேர்தலில் வெற்றி பெற்று மீண்டும் முதல்வராவார் என ஜோதிடர்கள் கணித்துள்ளனர்.

செப்டம்பர் 19ந் தேதியன்று குரு கன்னி ராசியில் இருந்து சிம்ம ராசிக்கு இடம் பெயர்ந்தார். இந்த குரு பெயர்ச்சிபலனை கணிப்பதற்காக 300 ஜோதிடர்கள் அடங்கிய ஜோதிடர்கள் மாநாடு சென்னையில் நடந்தது.

இதில் குரு பெயர்ச்சியால் நாட்டில் ஏற்படவுள்ள அரசியல் மாற்றங்கள், இயற்கை சீற்றம் ஆகியவை குறித்துஜோதிட கணிப்பு நடத்தப்பட்டது.

இதில், வரப்போகும் தமிழக சட்டமன்ற தேர்தல் திமுக கூட்டணிக்கு சோதனையான காலம் என்று ஒட்டுமொத்தஜோதிடர்களும் கருத்து தெரிவித்துள்ளனர்.

இந்தக் கூட்டணி உடைந்து இதில் சில கட்சிகள் அதிமுகவுடன் இணையவும் வாய்ப்புள்ளதாக தெரிவித்துள்ளனர்.

எதிர்பாராதவிதமாக ஒரு புதிய கட்சி ஜெயலலிதாவுடன் கூட்டணி அமைக்குமாம். அது நடிகர் விஜயகாந்த்ஆரம்பித்த கட்சியாகவும் இருக்கலாம்.

கடந்த தேர்தல் போல் அதிக இடங்களில் இல்லாவிட்டாலும் அதிமுக வெற்றி பெறுவது உறுதி என்று அடித்துக்கூறியுள்ளனர் இந்த ஜோதிடர்கள்.