மழை: சென்னையில் பள்ளிகளுக்கு விடுமுறை

சென்னை:

கன மழை பெய்து வருவதால் சென்னையில் பள்ளி, கல்லூரிகளுக்கு விடுமுறை அறிவிக்கப்பட்டுள்ளது.

தமிழகத்தில் வட கிழக்குப் பருவ மழை 10 நாட்களுக்கு முன்பே தொடங்கி விட்டது.

சென்னையில் இன்றும் தொடர்ந்து பெய்து வருவதால் நகரில் இயல்பு வாழ்க்கை பெரிதும் பாதிக்கப்பட்டுள்ளது. பெரும்பாலானபள்ளிகளில் மாணவ, மாணவியர் குறைந்த அளவிலேயே வகுப்புகளுக்கு வந்தனர்.

இந் நிலையில் மழையைக் கருத்தில் கொண்டு மாநகராட்சிப் பள்ளிகள் அனைத்திற்கும் இன்று விடுமுறை விடப்பட்டுள்ளது.இதைத் தொடர்ந்து பள்ளிக்கு வந்த மாணவ, மாணவியர் வீடுகளுக்குத் திரும்பிச் சென்றனர்.

இதே போல பிற பள்ளிகளுக்கும் விடுமுறை அறிவிக்கப்பட்டுள்ளது.

சென்னை மாநகராட்சிப் பகுதியில் மழை பாதிப்பை சமாளிக்கும் வகையில் முன்னேற்பாடுகள் செய்யப்பட்டிருப்பதாகமாநகராட்சி ஆணையர் விஜயக்குமார் தெரிவித்துள்ளார்.

துணை மேயர் கராத்தே காணாமல் போய்விட்ட நிலையில், விஜய்குமார் தான் மாநகராட்சி நிர்வாகத்தை கவனித்து வருகிறார்.அவர் கூறுகையில், சென்னை நகரில் தொடர் மழையால்

நோய் பாதிப்பு ஏற்பட்டு விடாமல் தடுக்க முன்னேற்பாடுகள் செய்யப்பட்டுள்ளன.

தாழ்வான பகுதிகளில் தேங்கி நிற்கும் தண்ணீர் வெளியேற்றப்பட்டு வருகின்றன. மழை நீர்க் கால்வாய்கள் ஏற்கனவே தூர்வாரப்பட்டு விட்டதால் கடந்த வருடங்களைப் போல இந்த ஆண்டு பெரும் பாதிப்பு இருக்காது என்று நம்புகிறோம்.

சுரங்க நடை பாதைகளில் தேங்கியிருந்த தண்ணீர் அகற்றப்பட்டு விட்டது. சாலைகளில் பெயர்ந்து விழுந்து கிடந்த மரங்களும்அங்கிருந்து அப்புறப்படுத்தப்பட்டு வருகின்றன என்றார்.

இதற்கிடையே தொடர் மழை காரணமாக மாநிலத்தின் முக்கிய அணைகளுக்கு நீர் வரத்து அதிகரித்துள்ளது. மேட்டூர் அணைக்குவரும் நீரின் அளவு வினாடிக்கு 17,000 கன அடியாக உயர்ந்துள்ளது. அணையிலிருந்து திறந்து விடப்படும் தண்ணீரின் அளவுவினாடிக்கு 6,300 கன அடியாக குறைக்கப்பட்டுள்ளது.

நெல்லை, குமரி மாவட்டங்களில் உள்ள அணைகளுக்கும் அதிக அளவில் நீர் வந்து கொண்டுள்ளது. ஈரோடு மாவட்டம் பவானிசாகர் அணைக்கும் அதிக அளவில் தண்ணீர் வந்து கொண்டுள்ளது.

சென்னை அருகே உள்ள திருக்கழுக்குன்றத்தில் நேற்று ஒரே நாளில் மட்டும் 200 மில்லி மீட்டர் மழை பெய்துள்ளது. அதேபோலராமநாதபுரம் மாவட்டம் திருவாடானையில் 120 மில்லிமீட்டர் மழை பெய்துள்ளது. சென்னையில் 80 மில்லிமீட்டர் மழைபதிவாகியுள்ளது.