சோனியா பாகிஸ்தான் பயணம்?

டெல்லி:

பாகிஸ்தானில் நிலநடுக்கத்தால் பாதிக்கப்பட்டுள்ள மக்களை சந்தித்து இந்தியாவின் சார்பில் ஆறுதல் கூற சோனியாகாந்தி பாகிஸ்தான் செல்கிறார்.

பிரதமர் மன்மோகன் சிங்கின் வலது மணிக்கட்டு அறுவை சிகிச்சையை தொடர்ந்து அவரது பாகிஸ்தான் பயணம்ரத்து செய்யப்பட்டுள்ளது. பிரதமருக்கு பதிலாக காங்கிரஸ் தலைவர் சோனியா காந்தி பாகிஸ்தான் செல்கிறார்.

பாகிஸ்தானில் ஏற்பட்டுள்ள மிகப் பெரிய பேரழிவை நேரில் பார்த்து ஆறுதல் கூறவும், அதிபர் முஷாரப்பைசந்திக்கவும் மன்மோகன் சிங் திட்டமிட்டிருந்தார், ஆனால் எதிர்பாராத விதமாக வலது மணிக்கட்டில் ஏற்பட்ட வலிகாரணமாக அறுவை சிகிச்சை செய்யப்பட்டுள்ளதால் அவரது பயணம் ரத்து செய்யப்பட்டது.

இதை தொடர்ந்து சோனியா காந்தி பாகிஸ்தான் செல்வது என முடிவாகியுள்ளதாகத் தெரிகிறது.